Legente le ultime message de Paolo Castellina il
me pare que ego finalmente comprendeva le senso et
origine del si ridiculisate - in certe circulos -
"correctitude politic". Que varie populos vole
esser appellate per lor "correcte" nomines es le
facto que illos participa. Tanto longe que le
"centro" poteva parlar _re_ varie gruppos non
importa tanto como on los appellava, ma quando
illes ipse participa in le intercambio le question
es un altere.

Si longe que le _talibanes_ de Afghanistan non
scribe in iste lista - et in interlingua - nos
pote appellar les le "fetorose, inhuman"
talibanes, ma tosto quando un de illos participa
in le intercambio nos debera trovar un modo parlar
_con_ illes, si nos non va star cata a su latere
del clausura crtitante un al altere.

Et Paolo leva le tema, _esque on non debe defender
se, si on es sub attacco?_ Ego ben cognosce le
besonio. A vices on non vole le "de un puncto de
vista, .... ma del altere puncto de vista". On
vole critar: "Isto es false!"

Le question debe nonobstante esser: "Qui vole on
persuader, le jam convincites o le non
convincites."

Es le senso "persuader" o "facer comprender"?

Ascolta (ausculta) le alteres! Re-questiona!

Viste que le religiones constitue un significante
parte de nostre historia ego ha interesse in
apprender del varie religiones, ma pro me ipse il
sembla que le varie fides crea plus de guerra que
de calma, pace. Sin "sesingular" un certe fide, il
sembla que omnes predica que "si tu face como nos,
toto essera in ordine!"

Forsan mi attitude es solo possibile pro un
persona con un passato historic ubi toto era
permeate per religion, ubi le ecclesia habeva un
controllo del cives que era sin su equal, si ego
ha comprendite le cosa correcte. Ubi le
autoritates faceva leges secundo le humanos poteva
solmente adorar deo si il presente habeva un
pastor in le acceptate ecclesia.

Justo un exemplo. Le presidente del Statos Unite
pote dicer "Deo benedice America". Que nostre
premier dicerea "Deo benedice Svedia" esserea
probabile solmente in un situation de extreme
fatalitate, in le caso de un attacco inimic o qual
cosa simile. Simplemente le historia determina, et
nos es nolens volens (si nos lo desira o non) le
victimas et resultatos de ille historia.

Isto es le cosa fascinante con le intercambios del
INTERLNG

Amicalmente

Cellus