Cardiff, 15 martio
ab nostre inviato special robocap

In un exaltante corona de publico le equipa national gallese succedeva
in tres gestas multo ardue: batter le equipa francese, facer le grande
slam (vincer tote le partitas del torneo) e ganiar le cuppa del 6
Nationes 2008. In le prime tempore, post un comenciamento promittente de
Francia, le defensa aggressive gallese rumpeva e contineva le joco
francese. Solmente al 31' le equipa francese succedeva in disrolar un
action al mano. Le partita se plenava de faltas, e in le final del prime
tempore Henson (Galles) esseva expellite temporaneemente del campo
(compartimento del peccato, etiquetta jalne). In le secundo tempore
Francia tentava initialmente de exploitar le superioritate numeric,
postea craccava e esseva deroutate per le galleses, qui marcava duo
belle destinationes in pauc minutas. Resultato final: Galles 29, Francia
12. Homo del partita pro Galles: Williams.

In precedentia, a Twickenham Anglaterra batteva Irlanda 33 a 10. Post un
comenciamento ardente de Irlanda, le partita esseva decidite in le
secundo tempore quando occurreva tres eventos: un forte pluvia cadeva,
Wilkinson (le jocator-symbolo de iste Anglaterra) entrava in campo, e le
equipa irlandese naufragava. Con iste victoria (e le disfacta de
Francia) Anglaterra ganiava le secunde placia in le torneo. On debe
relevar le belle proba del debutante anglese Danny Cipriani. Homo del
partita pro Anglaterra: Noon.

A Roma Italia succedeva in evitar le "coclear de ligno" (perder tote le
partitas del torneo) con le batter Scotia 23 a 20, con un "drop" in le
ultime minuta. Homo del partita pro Italia: Paris.

--
(fin)

--
Archivos e disabonar: http://listserv.icors.org/archives/INTERLNG.html