d[010921] x[Kiviaho Allan]
z[KivA-19Kuc UMI-XV+ interlng]
s[UMI-XV-Gdansk. Historia de Polonia e Gdansk]

UMI-XV+
[log in to unmask]
[log in to unmask]
[log in to unmask]
[log in to unmask]
[log in to unmask]
[log in to unmask]
[log in to unmask]
[log in to unmask]

Estimate gdanskistas e altere interlinguistas!

Io habeva le honore de pronunciar le prime discurso al
conferentia jubilari in Gdansk. Nunc io ha ponite le
manuscripto (un pauc allargate) a internet:
    http://www.kolumbus.fi/allkiv/hispolgd.htm

Il era, forsan, curiose que un finlandese presentava
un discurso super le historia de Polonia. Io
promitteva a nostre amic(a/o)s polonese que si un
conferentia del UMI va alicun die esser organisate in
Finlandia, le poloneses son cordialmente benvenite de
lecturar super le historia de Finlandia ...

Gdansk era un experientia que nos va nunquam oblidar.
Le urbe era quasi totalmente destruite durante le
secunde guerra mundial sed le poloneses ha con labor
e sacrificios superhuman reedificate le multissime
belle centro historic de iste urbe.

E le gigantic castello del Ordine Teutonic a Malbork
(Marienburg), probabilemente le plus grande fortalessa
medieval del mundo! Juxta a mi schermo sta un parve
statua de un Kreuzritter teutonic, como directemente
ex le pelicula "Aleksandr Nevskií" de Sergeí
Eizenszteín, le battalia on le Laco Peipus, que
conteneva propaganda pesante stalinista sed habeva
musica brillante de Sergeí Prokofyev.

Ante le fortalessa de Malbork interlinguista svedese
Bertil Palmquist photographeva me inter duo
Kreuzritter - etiam io era vestite como Kreuzritter.
Un "ver" Kreuzritter dava a me un grande spada. Io
credeva que illo era un spada legier de plastico - sed
illo era un genuine Haudegen que cadeva de mi manos a
capo de un Ritter. Felicemente ille habeva un casco.

Deman matino nos va viagiar a Turchia pro duo
septimanas, como general Jozef Bem in mi manuscripto,
a un pais ubi omne patriotas persequite era benvenite,
i.a. tanto multe poloneses que il ha habite un citate
polonese in le vicinitate de Istanbul. Etiam le rege
de Svedia - e Finland - Carolo XII trovava in Turchia
un asylo pro 7 annos post le defaite disastrose a
Poltava.

Salutante

Allan

=============================================
Kiviaho Allan
SILY - Suomen Interlinguayhdistys ry.
FILF - Föreningen för Interlingua i Finland
AFIL - Association Finlandese pro Interlingua
Kivimäentie 16 E. FIN-01620 VANTAA. Finlandia
[log in to unmask]
http://www.kolumbus.fi/allkiv
http://www.interlingua.dk/2001.htm
http://www.interlingua.com
Tel. + 358 - 09 - 898 720
GSM  + 358 - 050 - 3616 759
=============================================