05:51 11/01/2018, Kjell Rehnström:
>Il non es plausibile que varie civilisationes va incontrar se. 
>Le grandissime obstaculo es le distantias e le tempore.

Si. Ma le astronomo VIncent Icke dice que le leges del theoria de 
relativitate de Einstein pote solver illo: a grande velocitates, 
le tempore deveni lente e distantias curte. Assi tote nostre 
Galaxia es navigabile in 25 o 30 annos, ben que le distantias es 
1000 vices plus grande.

E illo es ver, ma solo si on viagia con 0,9999995 o plus del 
velocitate del luce. E alora, un grande problema es que anque le 
massas cresce, 1000 vices o plus quam antea. Illo es proque 
velocitate es energia, e energia es massa, e require fortias 
extra pro accelerar lo ancora plus.

>Un altere cosa es, si nos recognoscerea que esseres de un altere 
>civilisation es sciente o non. Lassa nos supponer que le 
>formicas sur nostre planeta habe un civilisation. Nos non comprende
>isto. Nostre scientificos sape que formicas, como anque apes, 
>habe communication chimic, ma quanto civilisate iste 
>communication es, nos nunquam va comprender!

Si, illo es un bonissime puncto.

Quando le colonisatores de America arrivava illac, illes pensava 
que le populos ja la presente esseva primitive. Ma hodie nos sape 
que al minus lor linguas es multe complicate e intelligente, tan 
intelligente que pro nos ille linguas serea multo difficile a 
apprender. Il se tracta del linguas polysynthetic: 
https://en.wikipedia.org/wiki/Polysynthetic_language .

Ergo non le Indianos e Eschimos es primitive, ma le colonisatores 
europee esseva troppo primitive pro comprender le intelligentia 
in le linguas e cultura de ille populos! Un exemplo tosto del 
effecto Dunning-Kruger! 
https://ia.wikipedia.org/wiki/Effecto_Dunning-Kruger .

-- 
Ruud Harmsen, http://rudhar.com


--
Pro leger le archivos e pro modificar o cancellar le subscription:
http://listserv.icors.org/archives/interlng.html