J. Dubkin ha scribite:

>>Io non vole facer iste error commun: confusar le COSAS con su NOMINES.<<

Ma a vices le cosas es identificate per false nomines.

>>Il sembla que tu ha reagite como si le cosa importante[...] es le honor de Hungaria<<

Naturalmente il(lo) es importante, que on non divulga informationes false super Hungaria, su historia. E isto vale anque pro le historia de SUA o de Romania, etc. Io es de accordo, que on debe examinar e instruer le historia sin considerationes politic de ulle latere, ma se restringente solmente al factos historic. Le explication posterior del actiones, occurrentias es un altere cosa, un question actualpolitic, ma non le historia mesme.

>>Io non ha [scribite] que fascismo es de or[i]gine hungare, io ha solmente observate que Hungaria era le prime pais a haber un governamento fascistic.<<

Serea importante clarificar, que on comprende sub fascismo. Como scribite, on sovente confunde illo con le nazismo. Io non sape, esque Hungaria habeva un governamento vermente fascistic (io non es experto e io non ha satis de cognoscentia pro judicar isto), ma illo certemente habeva un governamento nazista; illo de Szálasi, ma illo veniva POST le governamento de Horthy, como scribite in le Wikipedia anglophone super Szálasi: "The Germans forced Horthy to resign as regent in 1944 and appoint Szálasi prime minister and head of state, thus making Szálasi the sole leader of Hungary." A saper: le position de Horthy era le "head of state", e ille era fortiate per le germanos de dar iste su position a Szálasi, le duce nazista, non solmente nominar le a ser le prime ministro. Le pagina anglophone super Horthy - http://en.wikipedia.org/wiki/Mikl%C3%B3s_Horthy - in le Wikipedia es in le major parte impartial, neutral e objective (al minus in alicun su version anterior, que io faceva imprimer e legeva), excepte alicun cosas, p. ex. le assertion: "A staunch conservative, Horthy eventually began to sympathize with fascism" (o le mention del "white terror", que non existeva in connexion de Horthy). Ma le Wikipedia anglophone es consequente in le facto historic, que ille era "preceded by Béla Kun, succeeded by Ferenc Szálasi", dunque le imperamento nazista non occurreva sub le governamento de Horthy. Ante de dar le potentia a ille, Horthy mesmo incarcerava Szálasi (de novo io cita del Wikipedia anglophone): "...furthermore, Ferenc Szálasi, the later "Leader of the Hungarian Nation" was imprisoned by Horthy's personal command..." (dunque in le periodo inter le duo guerras mundial, usque 1939). Horthy era effortiate per le germanos, que ille permitte le deportation de judeos in le lager-es nazista, ma ille non sapeva, que occurre exactemente in iste campos. Ille era convincite, que in illos on face le judeos laborar e illes va retornar de iste locos postea. Ma ille non - como nemo alora in le mundo exterior - sapeva, qual brutalitates, homicidios, etc. occurre in illos. Quando duo prisionatos refugiva de Ausschwitz e publicava le occurrentias de ibi, Horthy immediatemente faceva le deportationes stoppar (isto era mesmo coragiose de ille, viste le pression german e le consequentias eventual de su action). Regrettabilemente le referentias super isto era delite del pagina anglophone de Wikipedia, ma illo es retrovabile in le archivo de Google. Ora io cita de illo: The first massacre of Hungarian Jews took place in July 1941 when 20,000 Jews were expelled from Carpathian Ruthenia to German-occupied Soviet territories, where they were killed by SS troops." Dunque: non le politicos hungare o Horthy mesme es culpabile pro iste action, ma le truppas SS mesme. "...mainly the puppet government of Döme Sztójay, appointed after the German occupation - actively participated in the Holocaust." Io vole accentuar hic le rolo del occupation german a effortiar Horthy de permitter le functionamento de iste governamento nazista. "The mass deportation of Hungarian Jews to Auschwitz began on May 15, 1944 and continued at a rate of 12,000 a day until July 9, 1944, when Horthy stopped the transports." Dunque: si J. Dubkin identifica le fascismo con le nazismo e assi ille assere, que le prime governamento "fascista" = nazista del mundo functionava in Hungaria, illo serea multo estranie, viste que le governamento nazista de Hungaria functionava solmente in 1944, post Horthy, durante que le fascismo de Mussolini se data de multo plus antea (in le 30s, si io ben memora). "Two Jews who escaped from Auschwitz at the end of April passed details of what was happening inside the camps to officials in Slovakia. Horthy received a translation of their report, called the Vrba-Wetzler report, in May. Details from the report were broadcast by the BBC on June 15 and The New York Times on June 20." "The survival of 200,000 Jews in Budapest until the arrival of the Soviets could not have been possible without Horthy's active resistance to the German orders, nor without the Hungarian Roman Catholic Church, which handed out false baptism certificates and false IDs in an effort to save the nation's Jews from being deported." Hungaria es anque appellate, como le ultime loco, a ubi le judeos poteva fugir pro ser protegite. E como scribite (ora io non trova le fonte, forsan anque isto es actualmente delite del pagina anglophone super Horthy), un gruppo de judeos es personalmente grate a Horthy proque ille impediva le deportation de illes. "After returning the trainload of Jews to Kistarcsa, on July 15, 1944 the The New York Times had an article praising Hungary as the last refuge of Jews in Europe, and that "Hungarians tried to protect the Jews." [...] He was forced to abdicate, and was placed under house arrest by Nazis at the end of 1944." Si Horthy habeva essite un duce nazista, fascista, proque ille haberea essite arrestate per le german nazistas mesme, proque ille haberea removite del potentia politic...?

Io anque non comprende in le message de J. Dubkin, proque ille data, pone le comenciamento del "regime Horthy" a 1919, malgrado que Horthy era eligite per le populo al governator de Hungaria in 1920. Isto se origina forsan de novo de un misinterpretation historic, facite per le communistas e semblamente efficace anque in le occidente. In 1919 occurreva le terror rubie, i. e. le republica sovietic in Hungaria. Illo era vermente sanguinose. E in le mesme anno invadeva le armea romanian in Budapest, anque sanguinosemente. Quando Horthy era nominate a ser le chef de un truppa hungare, ille expelleva le rumanos ex Budapest e cessava le potentia del communistas. Ma isto non era un sanguinose "terror blanc" como mesmo le Wikipedia anglophone mentiona (ben que in le delite parte), ille simplemente expelleva iste fortias ex le potentia con un action militar. Ma alora ille non era governator (que ille deveniva in 1920).


>>Mi parolas non son un attacco contra Hungaria.<<

Naturalmente io sape, supponeva isto e io era / es conscie, que J. Dubkin critica(va) le regimes fascista, nam ille mesme mentionava le nomines del "chefes" de iste systemas politic. Dunque io anque non (mis)comprendeva isto, como un attacco contra Hungaria o le nation hungare, ma justo lo me faceva irrate o a scriber, etc., que on judica le rolo historic de Horthy in le Occidente ancora falsemente e io pensa necessari de probar corriger iste errores, le quales non es le errores personal, etc. de J. Dubkin, ma de altere factores. Dunque io non critica o attacca J. Dubkin personalmente, ma le ideologia, le presentation concernente Horthy, que es false o non exacte ancora in le West (non mesmo in Hungaria, del resto.) 

Le memoires de Horthy se lege in internet in anglese gratuitemente: http://www.hungarian-history.hu/lib/horthy/horthy.pdf .

Como mentionate, io faceva imprimer le pagina super HORTHY Miklós in le Wikipedia anglophone a constatar su partialitate o impartialitate e io vole facer le mesme con le paginas in altere linguas controlabile per me (io spera, io potera comprender le versiones romanic secundo interlingua, le nederlandese secundo mi cognoscentias in le germano, le germano, le hungaro...) e secundo le diverse versiones compilar un texto objective in interlingua, pro haber un pagina super ille anque in le Wikipedia interlinguaphone.

Péter Kovács

--
Archivos e disabonar: http://listserv.icors.org/archives/INTERLNG.html