Le realitate de Jesus non ha necessitate de ulterior probas, il ha
plures evidentias de su vita, si non existeva Jesus alora existeva un
altere homine que vos pote appellar con le nomine que vos vole que
viveva in Palestina, predicava le evangelio, esseva crucifigite per le
romanos e resuscitava e multitudes le sequeva e le seque anque hodie.

Si vos vole creder al historicos non religiose (testimonios extra
biblic) vos pote leger le scriptos de Joseph Flavio le historico judee
que viveva inter le annos 37-103 circa que faceva varie referentia a
Jesus in su opera 'antiquitates judee'.

“Il habeva in celle tempore Jesus, homine sagio, /si on debe appellar le
homine/: ille esseva in effecto le autor de operas extraordinari,
maestro de homines que recipeva con placer le veritate, e ille atraheva
a se multe judeos, e anque multe grecos. /Iste esseva le Christo/. E
quando Pilato, in virtute del denuntia de homines notabile ointer nos,
le condemnava al cruce, non cessava illes que desde le principio le
habeva amate. /Ille de facto appareva a illes al tertie die novemente
vive, habente jam anunciate le divin prophetas iste e milles de altere
meravilias concernente ille/. Ancora hodie non non ha cessate le tribo
de illes que es appellate christianos” (Ant. XVIII, 63-64)
<http://www.orarel.com/cristianesimo/jesus/fonti/flavio.htm#sdfootnote3sym>
Vos pote leger plus in:

http://www.orarel.com/cristianesimo/jesus/fonti/flavio.htm


Kjell Rehnström wrote:

> 2004-04-05 kl. 23.16 skrev Ado Hall:
>
>> Io crede que no. Io comprendeva que il se tracta de un referentia
>> directe al execution de Jesus plus tosto que a un gruppo de christianos.
>>
>> Il pare que nos debe trovar iste annales (15.44.2-8).
>>
>> In re un puncto relate: Io ha recercate un manata de articulos super
>> Flavius Josephus. E il pare que opiniones non es unanime re le
>> (in)authenticitate del referentias a Jesus, mesmo inter
>> non-christianos. Alcun copias ha evidente intercalationes plus tarde,
>> tamen alteres poterea esser genuin... al minus secun le scriptores
>> del articulos.
>
>
> Isto es multo interessante. Un pensata me frappava quando ego legeva
> tu message. Ante alcun anno ego audiva un representante del "More
> nordic" un sorta de credentes in le asar (asatroende) in Svedia. Lo
> interessante con illes, quanto ego comprendeva, es que illes non ha
> alcun sorta de attitude etnic al cosa ma plus tosto lo vide aperte a
> omne interessatos e que le culto es plus ligate al natura in le paises
> nordic. Le interessante puncto de iste representante era isto: "Nos
> non crede que Ódin o Thór vermente existe(va), nos nos solo turna al
> tradition e modo de pensar apud le nordicos!"
>
> Como le perspicace lector que tu es, Ado, tu naturalmente comprende mi
> linea de pensar: "Il forsan non es tanto significante si Jesus
> existeva o non, proviste que humanos crede in ille como portator e
> executor de certe valores."
>
> Si ego era un plus diligente humano il esserea tentative scriber un
> roman(ce) de fantasia in re un mundo ubi le mundo de R. R. Tolkien es
> le religion ubiquitose, e que humanos mantene que Frodo, Gandalf e
> Strider (su svedese nomine era "Vidstige" (Passa ampliemente) in le
> prime svedese traduction del trilogia del anello.) ha vivite e que le
> Medieterra era un realitate! Ma le mundo essera salvate de un tal
> horror, viste que mi pigritude principal pone obstaculos a un tal cosa
> :-)
>
> Kjell R
>
>