Jay Bowks wrote:

>From: "Jan Årmann" <[log in to unmask]>
>  
>
>>Charles Darwin nasceva 12 februario 1809. Su anniversario es hodie. Su "On
>>the origin of species.." es alcun del plus importante obras de nostre
>>epistemologia e cultura. Vamos lo celebrar!
>>    
>>
>
>Car Janne,
>Gratias pro tu invitation, in mi opinion
>isto esserea como un festivitate quasi-
>religiose. Es ille como un sancto pro
>illes qui crede que Deo non habeva
>parte in le creation?
>
Isto es un costumari question que nos "paganos" sovente recipe. An le 
teoria del evolution es un religion pro te. Mi responsa es "non" o mesmo 
"non del toto". On non pote confunder un crede religiose con un teoria 
scientific, nam si il occurre que alcun scientista pote trovar 
irrefutabile evidentia de que le teoria de evolution es incorrecte, on 
va cambiar lo, e lo que determina isto es trovatas, calculationes, 
geocronologia etc. etc. Con un crede religiose, pro exemplo le 
cristianitate, toto depende del scripturas fundamental. Compara pro 
exemplo le divergente opinion del Testes de Jehova in re le cruce in le 
Biblia etc. Lo que pote cambiar un teoria o dogma religiose es le 
scriptura fundamental ipse, non dentrocronologia o geocronologia, non le 
movimentos del continentes etc.

Ego es nascite e educate in un ambiente del cristianitate luteran in 
Svedia, isto significa que in le scola in le qual ego passava mi annos 
scolar le religion cristian era omnipresente. Con iste fundo ego non 
crede, ma ego non haberea problemas incorporar le trovatas del scientia 
con un crede religiose, si nos suppone que ego esseva credente.

O in altere parolas, mi creder o non creder in Deo ha multo poco a facer 
con scientia. Forsan le cosa decisive es le comportamento del humanos in 
relation con Deo, ma isto es un longe tractato religiose le qual non 
pertine a iste lista!

Amicalmente

Kjell R