On Mon, 16 Nov 2015 19:35:21 +0100, Ruud Harmsen <[log in to unmask]> wrote:


>Un lingua que remane stabile durante decennios, con decisiones 
>forsan non perfecte, ha melior chances de acceptation per le 
>publico que un lingua que cambia cata dece annos. Ergo io dice: 
>vamos lassar toto como illo es desde 1951.

Le anglese cambia continuemente e es le lingua secundari  le plus acceptate in
le mundo.

Io mesme non pote acceptar tu position.  Io pensa que nos non ha facite un
bon presentation de interlingua al publico o le officiales del Union Europee,
specialmente le inseniantes de linguas in le departimentos pedagogic.
Necuno ha presentate interlingua como un major hereditage lexic e
linguistic commun al linguas major de Europa.  Litteras al redactor de
un jornal non suffice.  Pote nos monstrar que interlingua esseva constate
como nos dice como un realitate objective latente facite patente per su
methodologia.  Le majoritate de illes qui sembla saper ben le methodologia
es  morte.  E alcun leaders in Europa ha opponite le idea del prototypos
proque illes non realmente sape como illos es obtenite e qual cosa que illes
representa.

Le esperanto clarmente e le occidental a vices obscurmente es inexacte
representationes del hereditage commun lexic.  Lor parolas retene troppo
del marca del subjectivitate in le creation de lor formas secundo conceptiones
a priori de lo que es necessari in un lingua.  Interlingua lassa le historia e
le linguistica determinar le formas objectivemente del variantes in le linguas
fontal.

E si nos vole facer iste presentation, nos debe scriber libros e materias
del schola pro uso per inseniantes e sudentes ante que nos lo face.

==

Quanto a Ferdinand e Thomas, illes es esperantistas.  Io non sape si isto es
equalmente ver de 'cs'. Io non expecta que illes favora mi position proque io
pensa que illes pensa que illo es forte e debe attaccar me in loco de illo.

Amicalmente,
Stan


--
Pro leger le archivos e pro modificar o cancellar le subscription:
http://listserv.icors.org/archives/interlng.html