Kjell (et al.)
   Vos, un svedese, non joca le futbol (soccer)?  Io rememora que quando io esseva
un juvene de circa 8 - 14 annos de etate que in le campo presso le schola le
pueros (e le pueras) jocava le futbol (soccer).  Mais in le schola secundari
on non jocava le futbol mais le "football", affin al "rugby", e aquesto esseva
le joco major in le autumno, durante que le "basketball" esseva le joco de
hiberno, e "baseball" le joco del estate.

Mais io apprendeva le joco mundial de futbol (soccer) quando mi filio primari
deveniva inmiscite in illo in le annos de su schola secundari.  Io debeva portar
le per automobile a cata practica e a cata partita.  Su equipa habeva un
trainator irlandese, cuje filio esseva nostre "sweeper" (scopator) (e un
excellentissme scopator ille esseva).  Mi filio deveniva le goalie. Quando
ille habeva le etate de 16 ille moveva a un altere equipa pro pueros into
16 e 18.  Su trainator esseva un parocho de un schola catholic private, un
homine benigne mais multo enthusiastic super le futbol, e su equipa habeva un
bon reputation. Totevia nos esseva toto stupefacite un die a un partita quando
post un benigne objection al judicio del arbitro, le arbitro le dava un carta
rubie, excludente le del campo.  In le schola secundari, le schola mesme
formava un equipa, e mi filio deveniva le goalie.  Nos vadeva al torneo del
stato de Georgia e ganiava secunde in nostre division.  Assi io ha vidite
multe futbol.

Mi altere filio, in loco de jocar le joco, studiava a devenir un arbitro de
futbol, passava le examination e recipeva un licentia.  Ille esseva le
arbitro pro partitas de pueros e pueras de 10-12 annos de etate.

Le futbol es jocate aqui in le Statos Unite, mais primarimente como un sport
participative.  Le futbol debe competir con football, basketball, e baseball,
e mesmo le hockey, e professionalmente non ha essite tanto succedite.  Alcun
pauc universitates ha equipas de futbol.  Le Universitate de Sud Carolina es
un major poter in futbol (e football tanto ben).  Le Universitate de Nord
Carolina es un altere.  De tempore in tempore Georgia Tech ha un equipa de
futbol.  Nos ha multe studentes de paises latinoamerican, e infra illes il
sovente ha bon jocatores.

Stan Mulaik