Car Presidente, car amicos,

            Il non pote haber lingua plus facile a apprender
(autodidacticamente) que Interlingua! Le material didactic (le cursos, le
dictionarios, le Thesauro) disponibile in le interrete me sembla plus que
sufficiente pro que qualcunque persona, in qualcunque parte del planeta,
apprende al minus a leger Interlingua. Le parte active del apprentissage
(scriber, parlar), isto si, potera esser exercitate in Iaforum, e "maestros"
il habera in quantitate pro corriger le errores del novicios.

            A mi aviso, il es multo importante, pro exemplo, indicar cursos
como illos de Ingvar Stenström, Thomas Breinstrup, etc.  A proposito, in mi
blog

http://carlosasantos.imeem.com/blogs/category/oAGimbXL/

io lista bon numero de paginas interessante sub le titulo "Interlingua in le
Interrete".

            In plus, il esserea conveniente inviar messages in Interlingua
(milliones lo comprende a prime vista) al major numero possibile de forums e
communitates, invitante nove adherentes...

            Que me dice vos a iste modeste ideas?

Vostre fratre e servitor

Carlos Alberto


----- Original Message -----
From: "Josu Lavin" <[log in to unmask]>
To: <[log in to unmask]>
Sent: Tuesday, January 29, 2008 11:31 AM
Subject: [INTERLNG] Professores pro iaForum


Car amicos,

Io parla a illes qui poterea esser capaces de inseniar, o adjutar a
apprender, Interlingua de IALA (secundo le UMI) a possibile interessatos e
interessatas.

Io vos invita a subscriber vos in iaFORUM de googlegroups. Il suffice con
inviar un message vacue a.

iaforum-subscribeATgooglegroups.com

Non oblida cambiar AT in @

Nos debe trovar interessatos in apprender Interlingua mesmo sub le petras e
nos debe parlar les in lor linguas materne.

iaFORUM es un foro-ponte a ubi tote interessato/-a pote scriber liberemente
in su lingua materne. Per iste motivo, nos besonia in iaFORUM
professores/interlinguistas parlante linguas diverse qui potera adjutar tal
interessatos/-as.

Comprende vos nostre necessitate?

Illo es de vital importantia!

Ligate con iaFORUM nos habera iaFORUM parallel in linguas diverse: espaniol
+ interlingua, anglese + interlingua, chinese + interlingua, basco +
interlingua, germano + interlingua, etc. de maniera que nostre travalio sia
plus effective.

Le professores habera un foro commun pro intercambiar materiales didactic e
ideas practic, e le studentes un altere foro commun pro scriber ab le
initio, mesmo con incorrectiones e poter assi cognoscer le un le altere.

Nos expecta multe collaboratores in le proxime dies.

INTERLINGUA HA BESONIO DE TE!

In nomine de iaFORUM:

Josu Lavin

_________________________________________________________________
MSN Noticias
http://noticias.msn.es/comunidad.aspx
--
Archivos e disabonar: http://listserv.icors.org/archives/INTERLNG.html

--
Archivos e disabonar: http://listserv.icors.org/archives/INTERLNG.html