Årmie ha scripte:
>Io, e plure alteres, prefere a usar dictionarios in le computator ubi on
>rapidemente pote saltar inter su production de texto e dictionarios
>differente per simple premer un o duo claves. Particularmente si on usa
>askSam. Dictionarios imprimite es naturalmente necesse quando on lege
>textos imprimite.

Un dictionario impresse es bon pro le lectura de textos. Tu non cognosce 
un parola e lo cerca in le dictionario. E durante le lectura, tu pote a 
vices dispensar le consulta al dictionario perque le contexto permitte 
divinar le significato de iste o aquelle parola. Ma isto non es le caso 
quando tu REDIGE un texto. In tal caso, tu debe necessarimente trovar le 
parolas correcte pro exprimer tu pensatas, e in iste contexto un 
dictionario electronic es un ressource preciosissime.

Le possibilitate de cercar tote le contento de un archivo-texto me 
permitte usar le IED in reverso, como un dictionario anglese-interlingua. 
Io cerca le parolas in anglese pro trovar le equivalentes in interlingua. 
Isto es impossibile de facer con mi IED impresse, ubi io solmente pote 
cercar parolas in interlingua.

>Probabile il serea un bon solution si le casa editorial poteva producer
>un dictionario imprimite + un version a CDROM. Io vole ben pagar pro un
>tal producto. E totes es pagate e satisfacte.

Si, un version electronic in CD-ROM pagate del dictionario es un bon idea. 
Le datos debe esser cryptographiate a fin que un comprator non extrahe 
(facilemente) le contento del dictionario e lo distribue gratuitemente. Le 
programma debe posseder bon ressources de cerca que permitte tote le 
operationabilitate del archivo-texto pur.

Ensjo.