d[041130] x[Kiviaho Allan] z[KivA-4NTnc] r[WimP-4N6]
s[Re: Le 30 de novembre. Le Guerra hibernal]

[log in to unmask]

----------------------------------------------------------------
Wimmer Pawel 041106:
Le 65. anniversario del Guerra Hibernal se approxima - il
esserea necesse scriber alique in ia:WIkipedia!
http://en.wikipedia.org/wiki/Winter_War
http://de.wikipedia.org/wiki/Winterkrieg
http://fi.wikipedia.org/wiki/Talvisota
http://sv.wikipedia.org/wiki/Finska_vinterkriget
salutes
Pawel
-------------------------------------------------------x--------

Car Pawel,

Infortunamente io es nimis multo occupate con le
Constitution Europee in interlingua pro facer iste
contribution re le Guerra hibernal in interlingua.

Forsan tu o alicun altere poterea traducer le
http://en.wikipedia.org/wiki/Winter_War
in interlingua ...!?

Si, hodie il es 65 annos desde le die quando le
bombatores sovietic appareva al celo de Helsinki e le
truppos sovietic attaccava nostre pais preter tote le
longe frontiera del est nostre, ab Golfo de Finlandia
usque le Mar glacial del nord.

Quando le assalto de hordas de Stalin comenciava le
armea finlandese habeva state al frontiera russe jam
ab le 22 octobre 1939. Quando le governamento sovietic
invocava le 5 octobre 1939 un delegation finlandese a
Moskva pro "consultationes" Finlandia respondeva con
mobilisation de su armea que comenciava le 7 octobre e
le 11 octobre le armea finlandese recipeva le ordine
del mobilisation total ("rautaa rajalle!" - ferro a
frontiera! - diceva le populo finlandese).

Io dedica le sequente sitos de internet al memoria
de Guerra Hibernal e mi avunculo Arvo.

======================================
MAINILAN LAUKAUKSET - TIROS DE MAINILA
======================================

Ancora hodie "Mainilan laukaukset" es in finnese un
synonymo pro "pretexto".

Vide, per favor:
http://www.interlingua.fi/ceiafil/mainila.htm

Quando le governamento sovietic arrangiava iste
provocation ficte le 26 octobre 1939 in le Guerra
contunuante (como le guerra inter Finlandia e le Union
Sovietic 1941-44 es appellate in Finlandia) le 31
augusto 1941 le artilleria finlandese arrangiava
:: le tiros ver de Mainila
ante que le truppos finlandese capturava iste village
sovietic que se trova solmente alicun deces de
kilometros a nord de Leningrad/Sankt Peterburg.

Pro iste ver tiros de Mainila le artilleria finlandese
usava un magnific pecia de artilleria, un
:: obice superpesate 203 H 17, modello britannic, que
Vilho Petteri Nenonen, nostre legendari general de
artilleria, habeva comprate in le Statos Unite in 1940.

====================================
Panssari-Hippu e le tiros de Mainila
====================================

Nos ha un granfilio meraviliose. Ante un anno nos
photographiava le super un le armas que salvava
Finlandia in le grande battalias al Isthmo de Carelia in
junio-augusto 1944, un pecia de assalto (Sturmgeschütz,
assault gun). Arvo Kiviaho, le avunculo del granpatre de
Panssari-Hippu serviva como cannonero (Richtschütze) in
un pecia de assalto del mesme typo, si non in le mesme
specimen. Arvo moriva le 16 octobre 2004 in etate de 92
annos.

Vide, per favor:
http://www.interlingua.fi/ceiafil/panship.htm

============================
Polonia e le Guerra hibernal
============================

Britannia e Francia faceva preparationes a inviar un
expedition via Narvik (Norvegia) e trans Svedia del nord
a Finlandia - per fortia, si necesse, le governamentos
de Norvegia e Svedia naturalmente strictemente refuseva
lassar le truppos de alliatos a usar lor territorios. Un
parte importante in iste expedition haberea essite
truppos polonese qui habeva lassate Polonia post que
Germania e le Union Sovietic habeva lo conquerate in
septembre 1939.

Iste preparationes faceva Stalin nervose e ille decideva
offerer a Finlandia armistitio.

Quando Germania attaccava Norvegia (e Danmark) in
aprilio 1940, 27 dies post que le Guerra hibernal habeva
terminate, a Narvik era facte battalias ardente ab 9
aprilio a 7 junio 1940 inter le truppos alliate
(britannic, norvegian, francese e polonese) e un
detachamento german sub general Eduard Dietl. 30 000
soldatos alliate contra 6000 germanos. General Dietl
deveniva a un le plus grande heroes in le armea german
durante le secunde guerra mundial. General Dietl, ille
era de facto austrian, era etiam in Finlandia multo
popular como commandante del armea German in Lapponia.
Ille moriva in un accidento aeree in 1944. Su successor,
general Lothar Rendulic, era etiam un austriano qui
remaneva in historia finlandese le persona, qui
totalmente destrueva Lapponia durante le guerra inter
Finlandia e Germania in 1944-45. Ille era un veterano
del prime guerra mundial in imperial armea del
Austria-Hungaria e participava in battalias circum Wien
al fin del guerra. In su memorias ille scribe multo
hostilemente de hungaros ... Heh, nos fenno-ugrianos
vermente non ama general Rendulic.

In le battalias le unitate polonese, 1e Detachamento
Carpathian sub general Bohusz-Szyszko attingeva multo
honor, illes capturava 10 pecias de artilleria e 150
mitraliatrices sed al fin retraheva su truppos a causa
del catastropho in Francia e paises benelux.

- - -

Salutante

Allan Kiviaho