[per Sigmund]
Esque iste odio ha supervivite usque hodie in le mundo angloparlante? Le
anglese libros historic ha essite plen de contempto pro vikingos e
scandinavios e ha anque refusate recognoscer le immense influentia del
daneses (towns, earldoms, shires, derecto, systema de jurys, taxation e le
unification del parve regnos Northumbria, Mercia, Essex e Anglia del Est.)
Le ecclesia anglese ha essite especialmente active in mantener iste imagine
negative pro le gentes pagan de Scandinavia.

[per Frank]
Quanto al "odio" in le mundo angloparlante.  Al minus ex mi perspectiva
(angloparlante del SUA) le responsa es NO!  Nostre imagine del vikings es
plus tosto positive.  Io rememora como io--juvene puero--era fascinate
durante le lectiones de historia super 'Erik the Red' e su filio 'Leif
Erikson' e lor colonia in Nordamerica.  Io ha construite un modello de un
scipo-dracon con parve scutos al latere e un equipage de parve
gurreros-viking al remos. Io pensa que le imagine moderne del epocha-viking
es plus tosto romantic--"un epocha de gladio, un epocha de vento, un epocha
de lupo."  ("a sword age, a wind age, a wolf age...")

Le parte del populo de SUA descendite ab emmigrantes scandinavian ha
essite, in general, multo industriose e ha facite un bon successo hic in le
nove mundo.  Un de mi amicos del tempore juvenile era Howard Sjursen. Su
parentes era nascite in Norvegia e io los vide in mi memoria como gentes
industriose, amabile, e sympathic.  Anque convincite christianos.

Quanto al depredationes famose del vikings in Europa, le historia es troppo
plen de tal depredationes.  Si nos voleva odiar le descendentes moderne de
gruppos historic que ha practicate violentia in le passato??  Ecce, omnes
poterea odiar omnes.  Io suppone que in mi proprie corpore curre le
sanguine de kelts, vikings, germanos, franceses, e legionnarios roman. Si
io vole haber odio contra le un o le altere, io debe habe odio contra
partes de me ipse!

-- frank