d[990228] x[Piet Cleij <[log in to unmask]>]
s[Libros]

[log in to unmask]

Car amicos,

Recentemente Allan Kiviaho ha publicate in le internet le
texto complete del libro de Jeszenszky, NOS PRESENTA
INTERLINGUA. Ma le editor NON ha permittite iste
publication. <*>

Nunc io vide que Jaw Bowks comencia a publicar le
GRAMMATICA DE INTERLINGUA de Karel Wilgenhof. Io me demanda
si le autor e le editor lo ha permittite. <**>

Le prime libro es in vendita a mi adresse, le secunde al
adresse del Servicio de Libros. Il es multo facile acquirer
ambe libros, si on invia le amonta del precio (in dollars,
florinos, marcos, etc) a mi adresse o al adresse de Frits
Goudkuil.

Salutes amical de Piet

------------ o0o ------------

d[990228] x[Allan Kiviaho] KivA-92Sa
s[Libros]

<*>
Car Piet, io profundo apologisa iste error. Io ha
incargate le texto de Prof. Jeszenszky relativemente
pridem, forsan ex le telario del Union Interlingua de
Helvetia (Iste es solmente un conjectura).

Io ha comprate multe libros ex Servicio de Libros U.M.I.
sed iste scriptura io non ha trovate in le "Bibliographia
de Interlingua", edition januario 1998 - numero 25.

Io volerea con placer ordinar le scriptura. Que es le
precio de illo?

Io suggere que le maestros de INTERLNG immediatemente rade
le texto ex le archivo de INTERLNG. Qua indemnisation io
pote comprar le scriptura etiam a tal membros de INTERLNG,
qui ha jam incargate illo. (Nomines e adresses, gentil-
homines, si il vos place!).

<**>
Jay, io recommenda que tu dele le grammatica de Wilgenhof
ex COOLLIST!

--------------------------------
Politica re le derectos de autor
Interlingua e Internet
--------------------------------

Ab nunc io totalmente respecta le derectos de autor
concernente le libros e altere scripturas re interlingua.

De altere latere nos non pote divulgar interlingua
efficientemente in tal paises ubi internet es generalmente
usate, qua in Europa del nord (E bastante tosto in omne
Europa!), si nos non ha bon material pro nove candidatos de
interlingua.

Naturalmente nos debe haber un bon collection de libros,
sed qui compra libros, sed nos non ha
interlinguanistas ...?

Nos debe haber al minimo
- Un dictionario electronic (DELIA)
- Un grammatica electronic  (GELIA)
- Un manual stilistic con examplos electronic (XELIA).

Bon, pro evitar violentias de derectos de autor nos debe
scriber libros electronic ab initio. Illes debe esser de
tal forma e contento que on non pote accusar illos essente
plagiatos. In omne casos nos indige un nove grammatica
quia le grammatica que son publicate usque nunc non son
satisfacente pro nationes nordic, slavic, turc, germanos
etc. proque illos manca clar regulas pro prepositiones e
altere particulas etc. Sed nos ha assatis material in
le scripturas del veteranos de interlingua, qua p.ex.
illos de prof. Jeszenszky.

Forsan nos debe scriber un dictionario nordic, si "latin"
que possibile sin violar le principios fundamental de
Gode & Co. E iste dictionario electronic nord- e
est-europee non debe resemblar multo le IED.

-----------------------
Le libros de Ric Berger
-----------------------

Io recentemente comprava sex libros de Ric Berger:

Ric Berger.  Collection pro Interlingua
--------------------------------------------
C5. Le problemas del lingua international
C6. Esperanto o Interlingua?
C7. Historia del lingua international I
C8. Historia del lingua international II
C10. Interlingua, the international language
C11. Le solution final del interlinguistica
--------------------------------------------
Le precio solmente NLG 60.00 in total.

Iste libros son multissimo interessante e amusante!
Io cordialmente recommenda illos. Probabilemente io
tosto ordina alicun plus.

Salutante

Allan