Car amico Andrew,

 

            Si, io es le mesme Carlos Alberto que tu cognosce e qui ora retorna a iste *foro*, de ubi io habeva exite ante alcun septimanas (menses?) pro detestar prohibitiones... sed non simplemente pro isto. Il est que io considera Interlingua e Romanica como un sol lingua, regulate per grammaticas differente. Le ipse creatores de Interlingua (Gode e Blair) diceva que le grammatica que illes habeva scribite esseva un grammatica pro Interlingua, e que altere grammaticas poterea apparer e esserea benvenite.

            Io non judicarea defensabile, pro exemplo, scriber messages a *Interlng* in Esperanto o Ido, sed  Romanica, a mi aviso, es Interlingua...

            Nonobstante, le administratores de iste lista pote restar tranquille: io non intende inviar a vos messages in qualcunque altere lingua auxiliar. Io ha discoperite un adresse excellente ([log in to unmask]), ad ubi on pote scriber in le "lingua adjutante" que on prefere o in duo o tres linguas auxiliar in le mesme message.

            Iste mi retorno habe essite "provocate" per nostre amico Gibrail caon, qui, miscomprehendente le texto (Le guardator de greges) publicate (e legite in video) per JOSU LAVIN sur http://interlingua.wikia.com/wiki , diceva heri in message a *Interlng* que ille "non imaginava, per exemplo, que [Fernando Pessoa] scribeva mal le portugese et habeva studiate paucho (sic)". Io non poterea lassar sin reparo un tal error de interpretation. Assi...

            Ma io vole profitar de ista opportunitate pro distaccar le extraordinari e inestimabile labor que ora realiza le grande idealista JOSU LAVIN, per le creation del sito *wikia* supra referite, pro le vivification e disveloppamento del Lingua International.

            Gratias, amicos, pro vostre attention.

 

Fraternalmente,

 

Carlos Alberto

--
Archivos e disabonar: http://listserv.icors.org/archives/INTERLNG.html