>
>Salivanto ha scribite:
>
>"Ensjo non es sol quanto a su referentias a
>dictionarios, sed es ancora un cosa forsan plus
>importante.  Pro le majoritate de linguas en la mundo,
>le "usatores" prima de toto *apprende* le lingua per
>sequar le exemplos de usatores habile.  Il es nec
>desirabile nec desiderabile (e mesmo non appetibile)
>que le curso de evolution de un lingua esserea guidate
>per gentes qui mesmo non ha apprendite le lingua."
>
>Si, ma interlingua es un lingua planificate secundo
>normas con multe duplicationes e lacunas
>lexicogrammatic.  Illo non ha un corpore de usatores
>native qui pote determinar lo que es "correcte" in
>illo e lo que non es "correcte".
>
>E qui ha le derecto de dictar le formas "correcte" de
>interlingua?  Piet?  Stan?  Ensjo? Thomas? Io?
>
>E qui ha le derecto de determinar si un persona ha
>apprendite interlingua assatis ben pro comenciar le
>production su proprie ressources pro inseniar le
>lingua?  Piet?  Stan?  Ensjo?  Io?


Harleigh,
   Malgrado tu desiro lassar le ligamines de interlingua
al conceptiones e methodologia usate in definar lo pro
permitter tote usos a esser "correcte" proque il non ha
alcun criterio de lo que es "correcte", io crede que tu
conception es incoherente.  Tu face emphase del manco de
regulas in le evolution de linguas, mais le facto es,
(secundo Wittgenstein al minus) le lingua es un practica
basate super regulas.  Il es ver que le regulas pote
cambiar se (cata saison de baseball il ha minor cambios in
le regulas, e arbitratores pote differer un poco in le
maniera de applicar le regulas), mais regulas generalmente
es objective  (per definition) in lor application. Il non
es possibile haber un regula si il non ha un medio
objective de determinar quando un acto es o non es correcte.
On non pote dicer que le regulas cambia si il non ha regulas.
Il non es possibile haber un medio de communication sin
regulas.

                            Si Harleigh vole inviar
messages in le alphabeto Morse e usa ".-..." = L e "--"
= S, alora ille non usa le alphabeto Morse. (In le
alphabeto Morse ".-.." = L e "..." = s).  Certemente un
recipiente de messages de Harleigh o non va comprender
certe parolas o va decider que Harleigh usa regulas
differente e traducer los pro conformar a su intendimento.
Mais le recipiente sape le regulas del alphabeto Morse
e pote determinar que Harleigh non seque le regulas
de Morse.  Illo es multo objective determinar que es
correcte secundo le alphabeto Morse.

                                   In le mesme maniera
il es facile de determinar quando Harleigh non seque le
regulas de interlingua, e le facto que ille vole cambiar
le regulas secundo su proprie regulas non cambia le
facto que il ha regulas objective de correctessa in
interlingua (e mesmo in le systema unic de Harleigh--o
Harleigh scribe sin regulas, e non pote anticipar que
alteres va comprender le).

Stan