Mario Malaguti wrote:

> Anque con iste message io poterea ingagiar me per horas. Le thema es sempre
> plus interessante, ma il es opportun que io tracta un sol thema al vice.
> Isto es le plus interessante in iste momento pro me:
>
> On Saturday, July 15, 2000 5:19 PM, STAN MULAIK
> [SMTP:[log in to unmask]] wrote:
> >
> > Totevia in comparation con altere americanos, io es solmente un
> > poco in alto del medio. Io es un povre professor.  E io regretta
> > que io non habeva facite plus aggressive investimentos in le
> > mercato de actiones. Al hora actual le grande crescimento del
> > valuta de actiones pare al fin.
> >
> > Stan Mulaik
> >
>
> Esser un poco plus super le media e totevia esser un povre professor, o
> contabile.
> Io me ha ganiate le vita con mi libre profession de "contabile" (le termino
> pro me es reductive in comparation a illo que es mi profession) e totevia
> io non es un ric homine professional. Es io un poco plus super le media
> italian? Forsan un poco.
> Nos duo non haberea accumulate ricchessa, in bon conclusion.
>
> Investimentos aggressive in le mercato del actiones.
> Eh! Nos senti sempre que alcuno ha accumulate ricchessa in iste campo. Ma
> in realitate quantos lo ha vermente facite? Non un sol vice, o con alcun
> operationes. No! Constantemente io vole intender.
> Iste persona haberea facite isto pro su profession exclusive. Sempre con
> bon resultatos?
> Io repete le demanda: quante personas?
> Io pensa multo pocos. E pro cata uno de isto le mercato pretende tote illes
> qui ha producite le ricchessa del fortunato. In un mercato existe solmente
> un lege simple simple: si uno gania un altere, o alteres debe perder!

Mario, tu compatriota Giulielmo Pareto (o esque Giuglielmo?) ha date su nomine
a un accordo in le qual omne partitos gania. Benque ille parlava de reformas
politic, dicente que le optime reforma politic es isto in le qual omnes gania.
Le transaction de actiones es anque le cosa in le qual omnes pote ganiar. Tu
vende tu action proque tu besonia le moneta pro altere cosas. Tu pote
naturalmente ganiar (isto es naturalmente le melio) in relation al precio pro
le qual tu ha comprate le action) ma basicamente le cosa es le mesme si tu
vende un altere cosa que un action. Le precio essera dependente del desiro del
comprante.

Ego ha legite que in Italia le humanos spernia multe moneta, forsan plus quam
in altere paises. Esque on ha generalmente le moneta in un banca, o que?

Durante le optime annos fundos et actiones ha devenite multo popular, viste
que le bancas non plus da un acceptabile renta.

Pro me personalmente ego ha tanto poco de moneta que le problema que facer con
illo non me ha tormentate....

Amicalmente