Cellus ha scripte:
>Io nunc non me recorda si il era le etate de petra junior o senior (le
>neolitho o le paleolitho). Forsan durante le neolitho il ha agricultura in Svedia.
Io ha referite al "population aboriginal europee del edad de petra,"
ma io haberea essite plus correcte si io ha scribite "del era paleolithic,"
perque le era neolithic comenciava con le comenciamento de agricultura.
>Ante multe annos ego legeva que le population in Lapponia (Sapme
>etnam ?) ha le mesme domination de un gruppo de sanguine como in
>Europa sud-west. Si isto etiam tange le gruppos genetic io non sape.
Io ha legite de un estudio genetic que ha facite un discoperta interessante.
Le saamis (le residentes de Lapponia) parla un lingua finno-ugrian, i.e.
del mesme familia linguistic como finnese (le lingua de nostre amico
Allan). Le lingua de Cellus, svedo [io no trova "svedese" in le IED;
illo usa "svedo" e pro le lingua e pro un persona svede] es un lingua
indoeuropee. Nonobstante, un examination de lor genes ha monstrate
un proxime relation genetic inter le finnos e le svedos (Cellus e Allan
son cozinos!), multo plus proxime que le relation inter le finnos e le
saamis. Ma si io memora correctemente, le estudio ha examinate le
ADN mitochondrial, le qual es passate a infantes solmente per lor
matres (mesmo como le chromosone Y es passate solmente per patres,
excepte que e feminas e homines ha ADN mitochondrial, ma solmente
homines ha un chromosone Y). Forsan le finnos son le descendentes de
un population mixate, in le qual le majoritate de feminas originalmente era
de un population que parlava le vetule lingua nordic (del qual svedo es
derivate) ma le homines era finno-ugrian. E perque le estudio irlandese
era del chromosone Y, il es possibile que le irlandeses del nordwest de
Irlanda son le descendentes de un population de feminas aboriginal e
homines immigrante. E forsan le bascos, le saamis, e le irlandeses del
nordwest son geneticamente le plus pur descendentes del europees del era paleolithic.
>Il non es certe que solo proque un population parla un certe lingua su
>tractos racial es alquanto identic.
Si, como nos pote vider in le caso del svedos, saamis, e finnos. Ma pro
confirmar ille suggestion, pro me il non es necessari ir a scandinavia o al
Pais Basc pro obtener exemplos--io mesme es un exemplo! Io parla
anglese como mi sol lingua native. Ma mi patre ha duo linguas native
(anglese e yiddish), e mi matre etiam ha duo (anglese e armenio);
necun de mi granpatres e granmatres parlava anglese como un lingua
de matre e certemente mi ancestros non era de Anglaterra.
>Ante alcun annos io legeva de un exploration secundo le qual le
>population le descendentes del qual nos svedeses es, era subjecto de
>un epidemia del typo aids ante 4000 annos. Ha tu legite alque simile alicubi?
Io ha legite que in le parte inactive de nostre ADN alcun portiones
existe quales era originalmente viral, incorporate in nostre genoma
per infectiones. Un de illos es un section de un retrovirus simile a
HIV. Io non es secur si io memora le detallos correctemente, ma
io pensa que illo era ante multo plus que 4,000 annos, e que illo
existe in omne humanos e non solmente un population particular.
Scientificamente,
--Julio
|
