Quando io habitava in Polonia al fin del 60's e le comenciamento del 70's
io visitava satis multe vices le ecclesia insimul con amicos e io pote con
certitude dicer que io ha participate in missas catholic plus que in
servicios divin in le ecclesia svedese - que es lutheran.

On sonava sovente lo que on appellava _musica de juventute_ que rendeva le
missas multo popular. Il era un tremende experientia pro me, un humano plus
o minus irreligiose, vider que le ecclesias es plus que plen de gente que
ascoltava le prestres e le musica.

Qual era le musica? Il era un stilo inspirate del musica occidental con
certe influentias del musica popular polonese.

Si le prestre habeva contrabandite in su sermon alque contra le
governamento, a ille tempore communista, del Polonia popular, on remarcava
isto con grande entusiasmo.

Con un tal typo de reminiscentia io naturalmente pensava del radices
polonese del papa, legente le tradcution de Ensjo.

In Svedia in multe societates religiose - e etiam le ecchlesia statal - il
ha gruppos que cultiva le musica pop in plus o minus grande extension. Plus
prononciate es certo le pentecostales e le adherentes del movimento de
evelia christian le Parola del vita (Verbum vitae - sona plus majestatic).
Ille societates (io non pote al momento trovar un optime parola) ha un
excellente cultura musical. Plus internationalmente ben cognoscite es le
cantatrice _Carola_ qui ha un multo bon voce, e canta e cantiones religiose
in le stilo popular e de generes adjacente.


[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden