Car Ensjo (o Enzo? in italiano)

io es semper multo impressionate per tu grande activitate pro
Interlingua in nostre lista e io te apprecia multo. Sinceremente io
pensa que de tote iste excambio de message on deberea rediger un libro e
presentar lo a nostre Conferentia de Strasbourg. Al minus on deberea
colliger tote le poesia e le prosa original e poner los in belle forma
super nostre paginas home. Io haberea  multo desiderate facer lo, ma mi
activitates como pastor prende me semper plus de tempore. Esque alicuno
del lista haberea le tempore de ordinar in un sol fila tote le
contributiones plus interessante? Io esserea preste a publicar los super
mi paginas.
Al fin de April io essera in Roma proque io debe parlar a un Conferentia
Christian e io prepara nunc al minus tres discursos.... Le thema general
es le risco del sectarismo in nostre fide. Le italianos ha le tendentia
de vader semper de un extremo al altere, nulle via medie! (Vide le caso
de plure esperantistas). In omne caso le sectarismo presenta problemas
psychologic e sociologic. Haber un mentalitate sectari obtene le
opposito de lo que on desira: on semper repulsa le gente. In iste
question io debe laudar nostre amico Bowks proque ille demonstra un
tolerantia e un amabilitate non commun e que io nunquam trovava in le
plure Testes de Jehova que io incontrava. Mi experientia esseva semper
de trovar iste personas multo aggressive e intolerante. Io volerea
demandar a Jay si le responsabiles de su communitate approba su
interesse a Internet e a Interlingua. Io incontrava TDJ que me diceva
que ambe le cosas veni del diabolo!
Car salutes, Paolo.
--
Paolo Castellina, v.d.m.
CH-7604 Borgonovo (Switzerland)
Tel. ++41,81,8221145
E-Mail [log in to unmask]

http://www.geocities.com/~pcastellina
http://www.ipsnet.it/netpages/room491
http://www.aspide.it/freeweb/RIFORMA
http://www.naz.com/personal/interlng