d[040616] x[Kiviaho Allan] z[KivA-46Fzz]
d[1944-06-16, un die critic. AMERICA - "et tu Brute"]

[log in to unmask]

Ave, estimate interlinguarreros!

Le 1944-06-16 era un de plus critic dies in le historia
moderne de Finlandia.

Le 4e grande colpo strategic del armea sovietic
avantiava rapidemente verso Viipuri, le capital de
Carelia finlandese.

Al Golfo de Finlandia avantiava rapidemente le 108e
corpore de armea sovietic con 3 divisiones. Illac faceva
action retardante le HRR (Hämeen ratsurykmentti = Le
regimento de cavalleria de Tavastia) e URR (Uudenmaan
rakuunarykmentti = Le regimento de dragones de Uusimaa).
Al nord de iste unitates de cavalleria hiava un grande
spatio vacue a que le 109e e 110e corpores de armea
sovietic infiltrava con lor 6 divisiones post que le
contra-attacco del brigada de chassatores del division
blindate habeva essite repulsate con grande perditas a
Kuuterselkä. Totevia, a Kuuterselkä le pecias de assalto
finlandese ganiava su prime victorias contra le carros
blindate sovietic.

Le situation era extrememente critic. In le ultime
momento le 4e division de infanteria, que era discargate
ex trainos, arrivava e sub habile commando del
general-major P. Autti le division poteva ganiar tempore
pro le altere unitates finlandese de evitar annihilation
que haberea conducte al "finis Finlandiae", e perditas
forsan de 2 milliones finlandeses in terror e
deportationes de Stalin e "gulags" e in forma de
finlandeses qui haberea essite non-nascite ...!

========================
AMERICA - "ET TU BRUTE!"
========================

In iste die critic, le 1944-06-16, quando le armea
Finlandese desperatemente battaliava pro su
superviventia contra le assalto massive del armea
rubie, le governamento del Statos Unite declarava le
ambassador de Finlandia, Hjalmar J. Procopé, "persona
non grata" e ordinava le lassar le SUA immediatemente.
Le presidente Franklin D. Roosevelt faceva lo per
demanda de Uncle Joe, generalissimus Iossif
Vissarionovicz Stalin. Detra isto celava dur factos del
REALPOLITIK. Le armeas del Statos Unite, Britannia e
Canada luctava al costas de Normandie (post le
invasion le 1944-06-06) e le armea sovietic preparava
se a un colpo gigantesc al fronte de Bielorussia (le 5e
grande colpo strategic del armea sovietic):

----------------------------
Le 4e grande colpo strategic
----------------------------

1944 junio--julio. Contra Finlandia sur le Isthmo de
Finlandia e in Carelia.
Frontes: Leningrad (Govorov) e Carelia (Meretzkov)
47 divisiones.
:: Contra le armea german in Francia al fin del julio
:: 1944 combatteva 43 divisiones american, britone e
:: canadese ...!
10 000 pecias de artilleria [*]. 800
carros blindate. 1547 aeroplanos. 450 000 soldatos.
Marechal Leonid Govorov era un specialista de
artilleria.
[*]. Iste numero debe esser un pauc exaggerate (le
numero correcte es forsan 7500) benque illo es prise ex
le "Istorija vtoroj mirovoj vojny 1939-1945 (Historia
del secunde guerra mundial). Moskva 1978. 12 tomos."
Totevia, le 1944-06-09--10 le armea sovietic habeva
plus quam 300 pecias de artilleria per kilometro al
section del colpo principal tirante 280 000 granatas
durante 2 horas e 20 minutas in positiones de ca. 2
regimentos finlandese. In addition le positiones
finlandese era attaccate per centos de aviones
sovietic, super toto per le timite "Shtormovik'es",
le aviones contra-terrestre IL-2.

----------------------------
Le 5e grande colpo strategic
----------------------------

1944 junio--augusto. Bielorussia - Polonia. Iste
offensiva gigantesc conduceva le sovieticos al Vistula
e ante Varsovia.
Frontes:
Coordinator: Vasilevskij
1e de Baltico (Bagramjan), 3e de Bielorussia
(Czernjakovskij),
Coordinator: Zhukov
2e de Bielorussia (Zaharov), 1e de Bielorussia
(Rokossovskij) 195 divisiones. 36 400 pecias de
artilleria. 5200 carros blindate. 5300 aeroplanos.
2 400 000 soldatos.

Ante le 5e grande colpo strategic Stalin voleva
knock-outar Finlandia foras le guerra e occupar lo, si
possibile. Stalin ponderava que le action diplomatic
del SUA - le campion del democratia e libertate -
contra Finlandia esserea un grave colpo contra le moral
de finlandeses.

Stalin diceva a Sr. Harriman, le ambassador del Statos
Unite in Moskva, le 1944-06-10 que
:: "Le finnos son un populo rarmente contumace con un
:: intelligentia multo tardive. On debe colpar ration
:: in lor capites con malleo ...!"

In iste caso il era general armii Govorov (desde
1944-06-18 marechal) qui teneva iste malleo.

Ex Hjalmar J. Procopé on pote traher ligamines
interessante a interlingua via Coudenhove-Kalergi
(fundator del Union Paneuropee, le patre spiritual del
Union Europee) e Stephen P. Duggan, le ultime
presidente del IALA. Le presidente F.D. Roosevelt era
nulle grande amico de Europa, ille i.a. refusava
incontrar conte Coudenhove- Kalergi. Sed le sequente
presidente, Harry Truman e su grande consiliero general
Marshall habeva relationes cordial con Coudenhove-
Kalergi e le causa de Europa. Sia etiam notate, que la
sposa del presidente Roosevelt participava a (al minus)
un conferentia del IALA.

Le bannimento del ambassador finlandese ex le Statos
Unite non era le prime "action de Brutus" contra
Finlandia durante le 2e guerra mundial. Jam le
1941-12-06 - le die de independentia, per accidento o
non? - le ambassador del Statos Unite emitteva al
governamento de Finlandia le declaration del guerra
contra Finlandia del Grande Britannia Iste action
consternante marechal Mannerheim tentava impedir per un
lettera personal a Winston Churchill. Ver, le Grande
Britannia non ageva militarmente contra Finlandia sed
le pilotas finlandese debeva combattar contra le
chassatores made in USA e Britannia e bombatores made
in USA bombardava Helsinki e altere citates finlandese.

+ + + + + + + + + + + + + + + + + + + + +
Vide
http://www.interlingua.fi/1944/440616.htm
si il vos place!
+ + + + + + + + + + + + + + + + + + + + +

Salutante

Allan Kiviaho