Io ha legite con multo placer le messages reguardante le Natal e mesmo illos
de Santa Lucia, un thema jam disveloppate le anno passate.
Le reliquias del Santa es venerate a Venetia, sape vos?
Vostre contos, anque illos que poneva in evidentia le consuetudines de non
festear le Natal, me disponeva al recordos e al placer de illos.
Nos pote considerar anque aspectos modeste de un tempore con un
predisposition de affecto. Nos era in le particular momento. Nos ha un
particular imagine.
Ah! Dicera vos. Iste vetuletos!
Justo! Il debe esser un situation del esser avante con le etate, forsan.

Qual association! Dice le alpinos pro referer se a un companion qui non es
plus in vita: "Ille iva avante!" In iste expression de un simplicitate unic
e capace de un manifestation de affecto immense, io trova le placer que nos
comocunque exprime quando nos parla de nostre traditiones. Nos parla de un
parte de nos. Anque de un puncto futur.

E in iste stato io me trovava a recordar mi prime Natal.
Un belle thema, nonne?
Io me trovava in le medio del conto per Stan, in un Natal facite de nihil, e
totevia ancora assi presente.

Forsan nos ha un occasion durante iste dies: permitter con nostre
comportamento a un puero de hodie un belle recordo in un lontan deman.

A totos le affecto de iste vetuletto qui vive un momento de placevole
commotion,

Mario




Mario Malaguti
--------------------------------
Le sito italian pro Interlingua:
http://www.geocities.com/interlingua_italia
---------------------------------------
Le lista in Interlingua que te expecta:
http://groups.yahoo.com/group/interlinguaitalia




_________________________________________________________________
Prova MSN Messenger per conversare in linea con i tuoi amici:
http://messenger.msn.it