Justo ora per le television, nos ha essite informate que Newt Gingrich,
le Orator del Camera de Representativos in le Congresso del Statos Unite,
ha annunciate que ille non va cercar reelection al position de Orator del
Camera de Representantes in le Congresso.  Ille ha recipite multe critica
pro le fallimento del Partita de Republicanos a ganiar additional sedes
in le Camera, quando contra expectationes historic, le Republicanos ha
perdite 5 sedes in loco de ganiar le 20 o 30 predicte per le Orator.
Ille ha essite fer in le facto que ille ha derecte le Partita a mantener
le majoritate in le Congresso in tres periodos successive, le prime que
aquesto ha occurrite pro su partita in aqueste seculo.  Mais juvene
representantes que ille habeva adjutate in lor election ha tornate contra
ille quando le electiones national non ha satisfacite lor expectationes,
specialmente quando ille ha negotiate un projecto de lege de appropriationes
con le Administration justo ante le election que ha in effecto includite
multe projectos de expenditura desirate per le administration.  Le Orator
ha dicite que ille non vole esser un leader de "cannibales".


Il ancora esseva reportate, mais non confirmate, que Newt Gingrich, justo
reelectionate a su sede pro un altere periodo, indicava que ille va
resignar se de su sede e definitemente non voleva cercar reelection al fin
de aqueste periodo.

Ille esseva monstrate partiente se de su bureau aqui in Marietta, Georgia,
con su sposa, e durante aqueste partita ille diceva necun remarcas al
pressa, mais simplemente entrava su automobile e partiva.

De Marietta, Georgia
Stan Mulaik