CATENA 1
Si tu non inviara iste message a 5.096 personas in le proxime secundas, tu
va esser attaccate per un capro demente e jectate del alto de un edificio
de 19 etages super un cumulo de excrementos. Vero!!! Perque, tu sape, iste
catena non es como le alteres false que tu cognosce. Iste es real!!!
Serio!!! Illo functiona assi: Invia iste message a 1 persona: 1 persona va
irritar se con te pro haber le inviate iste catena idiota. Invia iste
message a 2--10 personas: 2--10 personas va irritar se con te pro haber
les inviate iste catena idiota. Invia iste message a 11--20 personas:
11--20 personas va irritar se con te pro haber les inviate iste catena
idiota. Invia iste message a 20.416 personas: 20.416 personas va irritar
se con te pro haber les inviate iste catena idiota. Invia iste message a
un persona appellate Joseph: 1 persona appellate Joseph va irritar se con
te pro haber le inviate iste catena idiota. Gratias e Bon Fortuna.
CATENA 2
Holla e gratias pro leger iste message. Il ha un puero famelic in
Baklavintaaaagoshtrasmn qui non ha bracios, non ha gambas, non ha parentes
e non ha capros. Le vita de iste infante pote esser salvate, perque cata
vice que iste message sera inviate, un dollar sera inviate al Fundo
Baklavintaaaagoshtrasmnese pro Infantes Sin Manos Sin Pedes Orphanos e Sin
Capros. Rememora: nos ha necun maniera de contar quante messages ha essite
inviate e tote isto es un idiotia. Alora, invia iste catena a 5 personas
in le proxime 47 secundas. Si tu lo inviara accidentalmente a 4 o 6
personas, tu morira instantaneemente. Gratias.
CATENA 3
Holla. Iste catena existe desde 1857. Isto es absolutemente incredibile,
perque in aquelle epocha non existeva currero electronic ni infantes de 8
annos qui inventava catenas infallibile. Alora, illo functiona del
sequente maniera: Passa lo a 15.249 personas in le proxime 4 minutas o
alcun cosa horripilante succeder a te, como ha succedite a iste personas:
Historia de terror idiota nš 1: Miranda Pinsley retornava a pede del
collegio le sabbato. Illa habeva recentemente recipite le iste littera e
illa lo ha ignorate. Alora, illa ha facite un passo false super un petra
laxe in le trottoir, ha cadite intra le escolamento e ha morite. Isto pote
succeder a te!!!
Historia de terror idiota nš 2: Dexter Bip, un puero de 13 annos, ha
recipite iste catena in su computator e lo ha ignorate. Plus tarde, in le
mesme die, ille ha essite applattate per un grege de elephantes e ha
morite con su inamorata. Le familias de ambes ha devenite tanto triste e
depresse que illes ha affollate e ha passate le resto de lor vitas
internate in un sanatorio de dementes. Isto pote succeder a te!!!
Pro non finir te como Miranda e Bip, invia iste message a tote le amicos
fallite que tu cognosce.
CATENA 4
Iste es un poema que io ha facite. Invia lo a tote tu amicos: Un amico es
alcuno qui es sempre a tu latere. Un amico es alcuno qui te apprecia mesmo
si tu odora mal. Un amico es alcuno que te apprecia mesmo si tu es
horribilemente fede. Un amico es alcuno que te munda post que tu te urina
le pantalones. Un amico es alcuno que fingi que te apprecia mesmo pensante
que tu deberea esser attaccate per un capro demente e depois jectate del
alto de un edificio super un cumulo de excrementos. Un amico es alcuno qui
munda tu W.C., arrangia tu camera, passa le aspirator, prende le cheque e
depois va via. No, pardono, iste es le empleata domestic. Passa iste
message avante o tu sera devorate per capros salvage carnivore del Insulas
Mauricio.
CATENA 5
Iste e-mail es sensational! Illo ha comenciate in Microsoft, pro testar
lor equipamento de traciamento de e-mail, perque, tu sape, un interprisa
de software de alte technologia grande como Microsoft sempre invia su
programmas nove, super costose e imbecille a tote le idiotas qui sape
operar un computator. E, in ultra, illes ha facite un societate secrete
con Disney qui ha acceptate perder milliones de dollares pro dar a tote le
mundo qui va leger iste e-mail, passar lo avante, reguardar lo, cognoscer
alcuno qui lo ha legite o esser del familia de un amico qui ha cognoscite
alcuno qui lo ha legite... UN VIAGE TOTALMENTE GRATIS a Disneyland,
Disneyworld e Euro Disney! Alora passa isto a totes que tu cognosce e qui
sia sufficientemente ingenue pro creder in isto. E si tu non inviara iste
message, Microsoft va inviar tote su capros assassin pro destruer tu casa
e devorar tu familia, alora INVIA ISTE LITTERA.
CATENA 6
AVISO DE VIRUS
Si tu recipera un e-mail intitulate Badtaste, dele lo immediatemente! Non
lo aperi, illo es violente! Illo non solmente va deler toto que essera in
tu disco dur, ma equalmente le dischettos, CDROMs, discos Zip e DVDs in un
radio de 200 metros de tu computator. Illo va dismagnetizar tote tu cartas
de credito, cambiar tu contrasigno bancari, disajustar le tracking de tu
apparato de videocassette e usar campos harmonic subspatial pro grattar
tote le CDs que tu tentara ascoltar. Illo va cambiar le temperatura de tu
refrigerator pro que tu gelato dissolvera, tu lacte coagulara e tu yogurt
de papaya devenira acerbe, e illo va programmar tu telephono pro appellar
solmente tu matre affin.
Sia caute. Passa isto a tote tu amicos, familiares, vicinos, inimicos,
plumberos, collectores de immunditia, livratores de pizza, medicos,
cultivatores de capros, actionistas e advocatos que tu cognosce.
Pensante melior, non lo invia al advocatos... Gratias.
CATENA 7
Ecce un belle designo que io ha facite:
(\ /)
( \ / )
(_ \_/ _)
\(_)/
/ \
/___\
Es un angelo decapitate. Invia lo a tote tu amicos pro illuminar lor die,
assi como illo ha illumintate le tue. Si tu non lo inviara, capros
possesse per le demonio va cambiar domicilio a tu casa e mangiar tote tu
calcettas, faciente te pensar que alcun cosa va torto con tu machina de
lavar, perque tu calcettas sempre dispare.
Gratias pro leger.
______________________________
Face un favor a te mesme e a tote le personas del mundo, dice MORTE AL
CATENAS.
P.S.: Vamos facer un catena exigente le fin del catenas.
Invia iste e-mail a tote le mundo que tu cognosce, includente le persona
que te lo ha inviate. Si non, capros...
Ensjo.
English-Interlingua Dictionary:
http://www.interlingua.com/dict-instructiones.htm
|
