iste matino esseva dedicate al agricultura in le sultanato

ante que io habeva le nove sultan de iste terra illo esseva
occupate con un replica del labyrintho de chartres, un structura
circular con c. 12 metros de diametro construite con petras
del region de ançã (coimbra), que olim arrivava al brasil e altere
dominios del ancian imperio colonial portugese pro ser usate
in le erection de templos e altere monumentos

quando le sultan revindicava su territorio io dismantellava le labyrintho
e habeva in mente meliorar le stato del jardin, lo que non occurreva a
causa del copiose pluviositate que se faceva sentir durante le hiberno
passate. ma como post le tempesta veni sempre le bonacia, alora
arrivava le momento propitie pro mitter le manos al obra

le jardin ja habeva multe plantas e alcun arbores e io hodie plantava
ancora un oliva, un ilice (aquifolio) e un limoniero. ultra isto esseva
arrangiate alcun *parterres, *ubi va ser plantate herbas aromatic, le
quales esseva protegite con barrieras de ligno que servi anque pro
delimitar le territorio de(l) sultan

de hic a alcun menses io va construer un nove labyrintho 'cretese',
de iste vice in conchas que io va colliger al plagia (a c. 7 km) e alora le
jardin devenira finalmente le sultanato que io projectava como
le residentia official de mi can, que se appella sultan :)

e ora io va prander pois que io ha un fame de can (hic il non ha lupos)

-- 
_________________
www.interlingua.com


--
Pro leger le archivos e pro modificar o cancellar le subscription:
http://listserv.icors.org/archives/interlng.html