Car amicos,
deman un Marcha Paschal pro le moratorio del executiones capital in tote 
le mundo essera effectuate in Roma, ab Placia del Campidoglio fin a 
Placia S. Peter, ubi le Papa benedicera le marchatores. A le Marcha, 
organisate per le Association Non Governative del ONU "Que nemo tocca 
Cain", consentiva, inter le alteres, le Presidente de torno del UE sra 
Angela Merkel, le Prime Ministro italian sr Romano Prodi e le 
burgomaestro de Roma, sr Walter Veltroni. In signo de sperantia pro le 
initiativa, le Colosseo mane vespere remanera illuminate per tote le 
nocte, como quando un execution capital es annullate per gratia.
Le scopo del marcha es reinfortiar le perseverantia del Governo Italian 
in presentar al Assemblea General del ONU le risolution pro le moratorio 
immediate del pena capital in tote le mundo. Isto pote esser le evento 
plus importante in le historia del humanitate desde le abolition del 
sclavitude.
Il es importante que nos signala nostre consenso al initiativa mandante 
un message - in qualcunque lingua ma preferibilmente Interlingua - a 
iste adresse: [log in to unmask]


Multe gratias

robocap

--
Archivos e disabonar: http://listserv.icors.org/archives/INTERLNG.html