SALA DE ATTENDER
(ab Comedias del Vita Private, Luís Fernando Veríssimo)

        Sala de attender de dentista. Homine de su 40 annos. Femina
juvene e
belle. Illa foliea un revista Cruzeiro de 1950. Ille finge leger un
Vita Dentarie.
        Ille pensa: Que feminon. [Io spera que vos me permitte usar le
suffixo augmentative "-on" (espaniol "-ón" e portugese "-ão"), que io
sape que NON existe in Interlingua... Solo pro dar un pauc plus de
"sapor brasilian" al narration.] Que gambas. Cosa rar, vider gambas
hodiernemente. Totes ambula in jeans. Nos ha retornate al epocha in que
le maximo era spiar un cavilia. Io ha sempre essite un homine de gambas.
Gambas con calcettas. Calcettas de nylon. Como io es antique. Bon era le
ruitetto. Suish-suish. Illas cruciava le gambas e il faceva suish-suish.
Io era folle pro un suish-suish.
        Illa pensa: Typo divertente. A leger le revista *upside-down*.
        Ille: Io te rape le vestes e te basia tote. Comenciante per le
pede. Que scena. Le infirmera aperi le porta e nos incontra nude super
le tapete, io basiante un pede. Que es isto?! Non es lo que vos pensa.
Il ha entrate un granetto in le oculo de iste femina e io lo tenta
tirar. Ma le oculo es in le altere puncta! Io arrivarea illac. Io
arrivarea illac!
        Illa: Ille es a reguardar mi gambas per sub le revista. Io va
discruciar mi gambas e cruciar de novo. Solo pro ille apprender.
        Ille: Illa discruciava e cruciava de novo! Ai, mi Deo. Illo era
pro occider me. Illa sape que io es a reguardar. Claro, le revista es
*upside-down*. E ora? Io debera dicer alcun cosa.
        Illa: Ille es mesmo sympathic, paupere. Capillos gris.
Distincte. Ille va dicer alcun cosa...
        Ille: Que io dice? Io debe facer alcun referentia al revista
volvite. Io non pote lassar la considerar me un buffon. Io non es un
adolescente. Io finge que examina le revista plus proximemente, depost
io dice "Tu sape que solo ora io percipeva que io era a leger le revista
*upside-down*? Io pensava que illo era in russo." Alora illa ride e io
dice "E ille tu _Cruzeiro_? Tanto antique que illo debe esser impresse
in pergamena, si o no? Illo debe haber le designos infantil de Millôr."
Alora nos ridera le duo, civilizatemente. Nos parlara del electiones e
del vita in general. Post toto, nos es personas normal, reunite per
circumstantia in un sala de attender. Nos conversara cordialmente. Alora
io salta e rape tote su vestes.
        Illa: Ille va parlar o non? Ille es del typo timide. Ille va dicer, que
tempore, nonne? Le seniora non trova? Ille es del typo que demanda
"seniora o senioretta?" Il serea mesmo differente. Hodiernemente le
majoritate jam entra rumpente...  Vamos variar le position, pupa? Ma
attende, nos ancora ni nos cognosce, nos non ha nunquam facite amor in
ulle position! Illo es perque io odia le preliminares. Iste es
differente. Distincte. Respectuose.
        Ille: Que dice io? Il ha un affaire obvie. Nos es ambe a attender le
vice in un dentista. Nos jam habe alcun cosa in commun. Prime
consultation? No, no. Io es cliente antique. Io es in le medio del
tractamento. Canal? Si. E le senior? Io face mi check-up annual. Io
pensa que io habe un carie hic detra. Tu vole vider? Con iste
illumination io non sape si... Vamos a mi appartamento. Illac le luce es
melior. O alora illa dice pauperette, como tu debe esser a sufferer.
Veni hic e appoia le capitetta in mi humero, veni. Io da un basietto e
illo passa. Reguarda, io pensa que un basio per foras non servi. Illo
dole multo. Forsan con le lingua...
        Illa: Ille desisteva de parlar. Me place le homines timide. Matur e
timide. Ille es a flabellar se con le revista. Va parlar del tempore.
Calor, nonne? Alora io dice "Es le estate." E ille: "Exactemente! Como
tu es perspicace! Io senti voluntate de exir ab hic e biber un bira."
"Ni me parla de bira." "Bira non te place?" "No, il es que qualcunque
cosa gelate me dole le obturation." "Ah, alora tu es hic pro consultar
le dentista, como io. Que coincidentia espaventose! Nos ambes habe le
mesme dentista. Il es le destino. Tu es le femina que io expectava tote
iste annos. Io pote peter tu mano in fidantiamento?"
        Ille: Illa arriva al fin del revista. Jam passava le crimine del
Sacopã, e photos de discos volante... Finiva! Me reguardava. Il debe
esser ora. Io dice: "Tu es hic pro nettage de gambas? Ops, de dentes? O
pro alco plus profunde como un passion ecstasiante pro un paupere me?"
        Illa: E si io dicera alcun cosa? Io necessita alcuno stabile in mi
vita. Alcuno de capillos gris. Iste pote esser mi grande opportunitate.
Si ille dicera qualcosa, io attacca. "Calor, nonne?" "Io tamben te ama!"
        Ille: Melior es dicer nihil. Un tal feminon. Qui es io? Illo es multe
gamba pro me. Si il era solo un, ma duo! Oblida, garson. Pensa a tu
carie, que il es melior. Il es clar que il non face mal dicer
qualcosetta. Tu veni sempre hic? Te place Roberto Carlos? Que sera le
cavos nigre? Mi Deo, illa va parlar!
        -- Le senior poterea...
        -- No! Io vole dicer, si?
        -- Prender me altere revista?
        -- Ahn... Cigarra o Revista del septimana?
        -- Cigarra.
        -- Ecce lo.
        -- Gratias.
        Alora le infirmera aperi le porta e dice:
        -- Le proxime.
        E illes nunquam plus se vide.
-- 
   ENSJO : EMERSON JOSE' SILVEIRA DA COSTA
  E-mail : mailto:[log in to unmask]
Homepage : http://www.nautilus.com.br/~ensjo/
Addresse : Conj. Panorama XXI, Q. 26, C. 14
           Nova Marambaia
           66625-280 Belem - Para - Brasil
Telephono: (091) 231-5740 // +55 91 231 5740