Un scientista del psychologia cognitive visitava Georgia Tech recentemente.
Le topic de su colloquio presentate a nos esseva le sequente:

"Linguas como le anglese e le espaniol es differente in le vias per le qual
illes lexicaliza le motion de evenimentos:  In le anglese, le facto del
motion es lexicalizate con le maniera de motion, producente multe verbos
de motion primari como RUN, WALK, SKIP, LEAP, SAUNTER, etc., durante que
in le espaniol le facto del motion es plus probabilemente lexicalizate con
le sentiero del motion, producente verbos de motion tal como BAJAR,
ENTRAR, SUBIR.  Mi discurso va adressar le sequente questiones con respecto
a iste differentia cruce-linquistic:  A qual grado parla anglephonos
e espanioles differentemente super evenimentos de motion, exploitante
le schemas specific a lor linguas.  A qual grado ha parlantes adulte
generalizate iste schemas, tal que lor conjecturas super le signification
de NOVE verbos de motion es differente?  Quando e como apprende infantes
le anglese e le espaniol respectivemente a acquirer iste schemas specific
a lor linguas?  E a qual grado es le existentia e le uso de iste schemas
differente un influentia super le maniera in que le parlantes del anglese
e espaniol, respectivemente, (includente apprenditores) pensa con respecto
a evenimentos de motion, mesmo quando non usante le lingua?  In altere
parolas, ha il ramificationes cognitive a iste vias differente de parlar?
                  --Letty  Naigles

Traducite del anglese per Stan Mulaik
Commento:  Isto pare un nove exemplo del hypothese de Whorf, nonne?