d[040613] x[Kiviaho Allan] z[KivA-46Ckk] r[WimP-46B]
s[Re: Anglese como inimico?]

GRASia
[log in to unmask]
[log in to unmask]
[log in to unmask]
[log in to unmask]

Estimate interlinguistas!

Un le problemas in cosa nostre, le movimento de
interlingua es, de mi opinion, que nos non es satis
aperte.

Un ver interlinguista debe ager apertemente pro
cosa nostre!

Io time que juvene interlinguistas pote tractar e.g.
le gruppo IL_STRAT como un vetule institution reliquia
ex le tempores passate, un sorta del
politbjuro verhognogo soveta SSR.

Proque le vetule interlinguistas son fatigate ("Le
heroes son fatigate" era un pelicula popular de Yves
Montand ante alicun decades ...), il es importante que
nos pote recrutar nove interlinguistas active.

Un obvie problema es que nos ha varie gruppos in
internet sed necuno sape qui es in que gruppo. Io
intende usar le gruppo
:: [log in to unmask]
como le sol gruppo pro GRASia (GRAnde Strategia de
InterlinguA), iste foro ha essite longe quasi morte
benque illo es supponite esser le foro principal de
nostre movimento.
Vide etiam
:: http://www.interlingua.fi/grasia/grasia.htm
Illes qui son in le gruppo e vole abandonar lo, informa
me, per favor.

Post isto io va inviar le messages in re GRASia solmente
al [log in to unmask] (forsan in tempore a
tempore referentia de un "grande cosa") e a
http://www.interlingua.fi/grasia/grasia.htm

Io spera que nos va trovar personas qui vole facer
labor real pro interlingua. In le nove paises in le
Union Europee le facilitates de internet va certemente
meliorar e in iste paises son le reservas (in Imperio
Roman amusamente Auxiliares) a nostre legiones e
cohortes.

----------------------------------------------------------------
Wimmer Pawel 040612: Allan Kiviaho accentua a cata occasion su
attitude negative al anglese e dice que illo deberea esser "un
lingua inter alteres, non plus, non minus"
( http://www.interlingua.fi/eusynerg.htm )
-------------------------------------------------------x--------

Forsan "inimico" non es le optime parola hic. Mi filia
es inseniator del anglese in un schola de tourismo, mi
filio affin es inseniator del anglese in le Academia
Militar Finlandese (ille ha essite como inseniator
mesmo in un universitate american [Bloomington], mi
filio (e filia) ha frequentate un schola american in
Suissa (Institute Montana, Zugerberg) quando io
travaliava in ille pais in 1983-85. A porposito, etiam
le candidato presidente del Statos Unite J.F. Kerry ha
essite in le mesme schola. E mi filia affin ha
travaliate tres vices in London, prime vice al firma
"Study Tours" e duo vices al grande aeroporta de
Heathtrow. Mi filio e filia affin ama le cultura britone
multo, illes reguarda omne peliculas britone in le TV
etc.

Le plus grande amicos mie e de mi sposa era un professor
emeritus (in anglese) ex le Universitate de Chicago,
William B. Stone. Le professor moriva ante 2½ annos sed
nos ancora corresponde con su sposa Jane. Io faceva
cognoscentia con Bill in un torneo international de
chacos postal. Nos ha incontrate le e Jane in Finlandia,
Suissa e Bulgaria e io un anno ante le morte de Bill in
St. Lauderdale, Florida, SUA.

Io lege libros e magazines plus in anglese quam in ulle
altere linguas.

:: Sed io non vole que le anglese deveni le prime lingua
:: pro cosas practic in le Union Europee. Illo es le
:: motivo pro mi relation con interlingua.

----------------------------------------------------------------
Pawel: ... Esperanto - un lingua, in mi opinion, de simplicitate
e facilitate insuperabile [*] - nunquam essera le ver lingua
dominante. De plus, esperantistas influente non exprime tal
attitude [**]. Pro le mesme causa Interlingua ha nulle chance de
ganiar iste rolo. [***]
-------------------------------------------------------x--------

[*] Vetule grande eminentias de interlingua como Ric
Berger ha contestate le "facilitate" de esperanto si
comparate con interlingua in su "COLLECTION PRO
INTERLINGUA" - que es un tresor bibliophilic grandiose,
:: compra lo ab le Servicio de Libros UMI!
- - - - - - - - - - - - - - - - - - - - - - - - - - - -
Certemente sr. Zamenhoff non era sin talentos sed su
lingua contine nimis multe MONSTROSITATES. Ille ipse
proponeva un grande numero de correctiones e
ameliorationes pro esperanto sed illos era rejectate
per le communitate de esperantistas - illes era plus
papal quam le Papa ipse. Alicun versiones de esperanto
reformate nasceva, le plus cognite es IDO, io crede.
Sed le esperantistas non ha in massa adaptate IDO, que
prende a esperanto un gusto de un organisation de
phanaticos sectistas religiose. Totevia, inter le
esperantistas nos poterea trovar nove interlinguistas.
Multes de grande interlinguistas durante le decades
passate era ex-esperantistas, esperantistas renegados.
Mesmo io era ca. 50 annos un esperantista, benque un
esperantista bastante passive. Nos debe trovar proprie
strategias pro approchar nos le esperantistas. Nos non
debe esser nimis aggressive e indiscrete.
- - - - - - - - - - - - - - - - - - - - - - - - - - - -
Sin dubita esperanto esserea totalmente functionabile
como lingua international sed illo es nimis innatural
e "bastardic", plus un caricatura de un lingua quam un
lingua del pur sanguine. A proposito: Io ha conducte
in un bus de sight-seeing (sait-sii'ing) al longe de
Ulitza Zamenhoff in Warszawa ...
Un idea periculose (?): Io ha jam durante multe annos
ponderate que forsan le ECUMENIA DEL INTERLINGUISMO
esserea un solution. On deberea compromissar super le
principios de qual como le parolas international
esserea selecte, ex latino classic con derivationes
si possibile. Omne linguas auxiliar - le latino
classic includente - poterea usar su proprie
grammatica.

[**] Tu erra, nonne? Le esperantistas tentava lancear su
lingua al Liga del Nationes (le predecessor del Nationes
Unite) jam in 1922 (duo annos ante que le IALA era
fundate. Esperanto era rejectate como innatural.
Gonzague de Reynold scribeva un promemoria de esperanto
pro le Liga del Nationes. Illo es publicate in
:: Encyclopedia de Interlingua
:: HISTORIA de ESPERANTO
:: Editions Interlingua. Ric Berger, prof.
:: 1110 Morges (Suisse)
:: Le question de un lingua international coram le
:: Societate del Nationes in 1922
:: - - - - - - - - - - - - - - - - - - - - - - - - - - -
:: Gonzague de Reynold
:: Le Problème de la langue internationale.
:: Revue de Genève, 1925 maio-junio
:: Le conclusiones del Commission intellectual del
:: Societate del Nationes
Gonzague de Reynold scribeva i.a.: "ce qui est une
monstruosité linguistique".
:::: NOS DEBE TRADUCER LE ARTICULO DE GONZAGUE DE REYNOLD!
:::: E PUBLICAR IN INTERNET. IO VA LO SCANNAR QUANDO IO
:::: VA HABER TEMPORE
Le esperantistas ha alicun vices tentate lancear su
lingua etiam al Commission Europee sed sin successo.
Illes ha un sito in internet como "LOBBY" pro le Union
Europee. Iste sito, trovate per Peter Kovacs, es
technicamente multo bon. Io va tosto retornar a iste
sito.

[***] Que esperanto ha fallite, es nulle prova a illo
que interlingua vaderea faller ...!

----------------------------------------------------------------
Pawel: Io non es tanto bellicose pro le simple facto que le
position real del lingua depende ante toto de su rolo actual in
le disveloppamento scientific, cultural, technic, politic etc.
-------------------------------------------------------x--------

Io pensa que tu es un pauc defaitista (un
characteristica atypic pro un polonese ...). Mi patre
usava dicer: "Homine es un animal con voluntate".

Nulle lege human o natural ha determinate le hegemonia
del anglese. Europa es nunc le plus grande area economic
in le mundo con su 453 milliones habitantes. E post que
Turchia, Serbia, Croatia, Bosnia, Romania, Bulgaria,
Macedonia, Moldova e Albania ha juncte se al Union
Europee su numero de habitantes va esser multo plus quam
un medie milliardo.

E con AMERia (AMERica que parla InterlinguA - statos
que parla espaniol, portugese e francese [in
Quebec/Canada e alicun insulas in le Mar Caribe]) un
milliardo habitantes non es lontano.

Ver, le productivitate in Europa es clarmente plus basse
quam lo in le Statos Unite. Un causa a illo es que le
Statos Unite es lingualmente homogene - omne validatores
illac parla anglese.

- - - - - - - - - - - - - - - - - - - - -
LUCTA PRO INTERLINGUA ES LUCTA PRO
LE ANIMA E IDENTITATE DE EUROPA E AMERIA!
- - - - - - - - - - - - - - - - - - - - -

----------------------------------------------------------------
Pawel: Interlingua ha nulle chance de ganiar iste rolo. Ubi es
iste legiones, pro usar le termino de Allan, de scientistas,
ingenieros o scriptores qui crea lor obras directemente in
Esperanto o Interlingua?
-------------------------------------------------------x--------

Nos, homines illuminate, interlinguistas, son le semine
de iste legiones. Otto von Habsburg
:: le filio de ultime imperator de Austria-Hungaria,
:: le presidente del Union Paneuropee,
:: 20 annos (ab initio que le parlamento era electe con
:: electiones libere) membro del parlamento europee,
:: doctor honoris causa al Universitate de Turku (como
:: etiam André Martinet, un de creatores de interlingua)
diceva in su oration al Universitate de Turku in 2002
que nos debe crear un Europa que attracte le scientistas
e altere professionales europee qui nunc travalia in le
Statos Unite, retro a Europa. Io legeva recentemente in
"Times" que le numero de scientistas e altere
professionales qui travalia in le SUA es 400 000!
( Vide http://www.interlingua.fi/iafiup.htm )

---------------------------------------
Pawel: Dunque ubi es nostre cannones?!
---------------------------------------

Hic! Nos son iste cannones e nostre responsibilitate
es crear plus cannones, obices e morteros.

Que un movimento, como le cosa nostre, le movimento
de interlingua, es parve, non significa que illo non
poterea esser capabile de crescer e vincer. Ante 2000
annos era un Jesus e 12 discipulos. Imperios cadeva
sed le hereditage de Jesus superviveva trans millennios.

Ante 1400 annos in Arabia viveva un Mohammed. In poco
su religion habeva conquerite vaste territorios e faceva
un menacia grave pro tote le Europa christian. E hodie
su religion ha plus membros quam le christianitate.

Post le prime guerra mundial in un taverna in München
sedeva un juvene caporal con mustachio e pectinatura
peculiar e su 6 conidealistas, 25 annos postea iste idea
habeva causate morte de al minus 40 milliones gente.

E Mao dze Dong? Con un parve gruppo ille faceva su
"marcha longe" e in poco ille era un duce de un
milliardo gente.

- - - - - - - - - - - - - - - - - - - - - - - -
Assi, sia non disanimate! Nos ha un "producto"
meraviliose, interlingua!
- - - - - - - - - - - - - - - - - - - - - - - -

----------------------------------------------------------------
Pawel: Ubi es, pro restringer nos al UE, le dictionario de
terminos e expressiones que on usa in relationes international,
specialmente in le parlamento e officios europee. Nos ha
solmente un lista de 27 000 parolas "official" e 20 000 ulterior
elaborate per Piet Cleij. Le sol dictionarios specialisate, si
io non erra, es parve obras pro economia (de B. Sexton) e
mathematica (de P. Wimmer) [*].
-------------------------------------------------------x--------

Vamos avergoniar, nos interlinguistas, que nos durante
iste 53 annos quando interlingua ha existite, nos ancora
non ha tal dictionarios.

De altere latere, omne iste parolas ja existe latente-
mente, in le linguas del controlo de interlingua, nonne?

E de tertie latere, interessantemente le OIS, le
Organisation International de Standardisation, in su
tempore participava al labora de interlingua. E le OIS
ha officialmente registrate nostre nomine, "interlingua"
e date a lo accronymos ia e ina, vide
:: http://www.interlingua.fi/aquila.htm
A proposito, io ha laborate con le standards
international e national durante plus quam 30 annos a
duo companias del classe mundial, Oy Strömberg Ab (nunc
un parte del ABB - Asea Brown Boveri) e KONE
Corporation.

[*] Alberto Mardegan, le duce de interlinguistas
italian, ha facte su these (ProGradu?) de mathematica
in interlingua.
xx

----------------------------------------------------------------
Pawel: Remover le anglese del position hegemonic esserea como
mover le aqua de un riviera adverso su currente per un
pala - cata die ja nasce centenas de libros, documentos, documentationes
etc. in le linguas dominante, ante toto le
anglese, e nulle persona pote cambiar iste facto.
-------------------------------------------------------x--------

Nos crede, nos vole, nos pote!

Veni - vidi - victi!

----------------------------------------------------------------
Pawel: Pro que non limitar se al scopo multo plus realista, i.e.
provar le utilitate de Interlingua in Europa, specialmente in le
Union Europee?
-------------------------------------------------------x--------

Isto es exactemente que io vole facer e face. Io pensa
que nostre GRASia (GRAnde Strategia de InterlinguA) es
facer interlingua le sol lingua pro cosas practic in le
Union Europee e simultaneemente salveguardar le
ricchessa de culturas national e regionel europee. Le
prime scopo es que omne citatano del Union Europee debe
maestrar interlingua equalmente ben que su lingua
materne.

Le secunde scopo es facer interlingua le sol lingua in
Ameria (AMERica que parla InterlinguA - i.e. America
roman) - le nationes amerian non vole devenir un
colonia del Statos Unite.

Le tertie scopo es facer interlingua usate etiam in
certe periferia de Europa.

Io tene lo multo improbabile que le nationes foras le
cultura europee (greco-roman-christian) vaderea adaptar
interlingua como lor "lingua franca" - le peso de
peccatos de europeos colonisatores es nimis pesate.

Sia le resto del mundo parlar anglese, si illes vole.

- - -

Salutante

Interlingua: Aut vincendum aut moriendum!
             Vincemos o morimos!
             In GODe we trust!

=============================================
Kiviaho Allan
SILY - Suomen Interlinguayhdistys ry.
FILF - Föreningen för Interlingua i Finland
AFIL - Association Finlandese pro Interlingua
Kivimäentie 16 E. FI-01620 VANTAA. Finlandia
http://www.interlingua.fi
http://www.interlingua.fi/iaeuropa.htm
http://www.interlingua.com/historia
Tel. + 358 - (0)9 - 898 720
GSM  + 358 - (0)50 - 3433 338 (Allan Kiviaho)
GSM  + 358 - (0)50 - 3616 759 (Brita-Lisa K.)
- - - - - - - - - - - - - - - - - - - - - - -
ePosta - Sähköposti - eMail, clicca:
http://www.interlingua.fi/kiva.htm
=============================================