Preoccupate con le effecto del television in le idiotification del massas, 
le Universitates ja considera facer examines special pro le personas 
afficite. Le objectivo es conceder a iste personas le juste derecto de 
haber equal opportunitates de successo.


EXAMINE DE ADMISSION
NOMINE (tu nomine): ________________________________

Tu debe responder correctemente a 3 (tres)* o plus questiones pro 
classificar te.

(*"Tres" es aquelle numero integre major que le "duo" e minor que le 
"quatro".)


QUESTIONES:

1. Qual es le lingua le plus parlate in Francia? _________________

2. Disserta a proposito del Antique Imperio Babylonic, faciente 
referentias special al Architectura, Litteratura, Derecto e conditiones 
social, O dice le prime nomine de Pierre Trudeau.

3. Tu poterea demandar a William Shakespeare:
(a) construer un ponte
(b) navigar un oceano
(c) commandar un exercito
(d) rediger un pièce theatral
(e) projectar un metro

4. Qual es le religion del Papa? (Attention: Marca solmente un option.)
(a) judeo
(b) catholico
(c) buddhista
(d) atheo
(e) messianico

5. Conversion metric: a quante pedes corresponde 0,0 metros?

6. Que hora es il quando le punctator grande es super le 12 e le punctator 
micre es super le 5?

7. Approximatemente, quante commandamentos ha essite livrate a Moses, 
sapiente que super un del tabulas il habeva cinque e super le altere plus 
cinque commandamentos?

8. Famose leader chinese ha essite Mao Tse:
(a) Tang
(b) Teng
(c) Ting
(d) Tong
(e) Tung

9. Un infante habeva dece-duo mandarinas, ha ganiate plus dece, ha restate 
con:
(a) ...tente
(b) le infante es qui debe saper
(c) necun; ille ha mangiate totes
(d) io non sape exactemente, ma debe esser inter 20 e 99
(e) mandarinas non pote esser summate

10. Sex reges de Anglaterra se appellava George, le ultime del quales se 
appellava George VI (sex). Dice le nomine del cinque anteriores.

11. De ubi veni le pluvia?
(a) DysneyLand
(b) Japon
(c) Aruba e Cancún
(d) del nubes del celo
(e) si le pluvia non "va", como es possibile que illo "veni"???

12. Tu pote explicar in detalios le Theoria del Relativitate de Albert 
Einstein?
(a) si
(b) no

13. Qual es le utilitate del machinas a scriber?

14. In qual continente se situa le Africa del Sud?

15. Explica le Principio del Equilibrio Dynamic de Le Chatelier, O scribe 
tu nomine in LITTERAS MAJUSCULE.

16. Qual es le ultime étage de un edificio de tres étages?

17. Ubi, in le Statos Unite de America, se produce plus oranges?
(a) in Medellin, Colombia
(b) in Florida
(c) in Montréal, Canada
(d) in Roma, Italia
(e) in le Citate de Mexico

18. Mathematica avantiate: si tu ha tres pomos, quante pomos tu possede?

19. Que significa le abbreviatura O.M.C. (Organization Mundial de 
Commercio)?

20. Quando ha essite fundate le Universitate de São Paulo 
(approximatemente)?
(a) a.C.
(b) A.D.

~~~~

Bon sorte!
Ensjo. :^)