Salute!

Io suppone que le plus personas time viruses e ha programmas differente contra isto. Io ipse ha usate Norton desde tres annos quando io comprava mi ultime computator. Quando le licentia finiva on me recommendava comprar, via internet, un nove version, Norton Internet Security 2005, que esseva satis costose (circa 75 $) e io credeva, ma in van, que io deberea reciper un plus bon programma que le vetule, lo que tamen habeva functionate sin grande problemas.
Tosto mi computator comenciava causar molestia. Multe vices io esseva fortiate restartar le computator a causa de obstruction, le programma Word non functionava ben, e le plus seriose esseva que tote le labor esseva multo, multo tarde. Pro aperir Word io debeva attender un minuta. E multe altere molestias.
Mi computator es un Compaq con Windows XP, Celeron 1400 MHz, 40 GB, 256 MB, e io suppone que Norton, si io habeva demandate, me habeva recommendate comprar un nove computator.
Finalmente io recipeva le recommendation clauder le programma Norton e installar le programma tchec "avast!" que mesmo esseva gratuite in internet.
Illo ha functionate multo ben durante un mense.  Le computator es rapide de novo, e io regretta multo que io non multo plus matinal cambiava programma.
Nunc io es multo vexate contra Norton que me ha disturbate tanto multo. Horas con labor in van.
Con isto io vole prevenir altere persona comprar le costose Norton quando il ha le programma avast! que es gratuite.

Bon Anno Nove!

Erik Enfors 
Vallåkergat.25 
SE-432 37 VARBERG 
Svedia
Tel: +46 (0)340-875 45
(Mobil: +46 (0)730  65 60 21) 
Skype: untorrente
e-post: [log in to unmask]

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================