Salute Omnes,
le nomines es un cosa interessante. In Svedia il existe etiam tal prenomines
como Vajlet (Violet), Clark (certemente secundo le actor C. Gable) -
soventemente pronunciate in svedese con un curte a e un r audibile (in le
dialectos que lo usa). Un collega in mi prescola (Kindergarten, cuando ego
era un infante) se appellava Clary (pronunciate klarry (con y svedese; un
labialisate i o si on scribe in francese claru) ma con le accento dynamic
sur le prime syllaba.

Le nomines con -son como prenomines es un cosa multo interessante. Ego
habeva multe annos retro un studente de Libano qui portava le prenomine
Willson. E nos ha le presidente de Sudafrica, Nelson Mandela. Pro non parlar
de Robinson Crusoe.

In Svedia se divulga de tempore a tempore tal historias secundo le quales le
parentes vole nominar su infantes "Krusse" (un svedification del nomine
familial del prime secretario del olim partito communista del Union Sovietic
(puh, longe parolas!) Khruchtchov. Le povre parentes non habeva essite
informate per expertos del cosa qui poterea notar que le filo poterea esser
nominate Nicke pro Nikita :-)

Il habeva un persona qui voleva prender le surnomine (= nomine familial)
Stalin (que sona como un totalmente normal nomine familial, particularmente
si on scribe Stahlin (le h indica affinitate con altere tal surnomines e
illo essera pronunciate _staliin_ (le accento sur le longe vocal final).

Le plus grande problema con su nomine habeva le svedese qui era nascite sur
un nave atlantic. Ille era baptisate a Undanus Atlanticus. In su vita adulte
ille sempre usava le initiales U. A. Imagina un scena:
- Mi nomine es Stefan.
- Mi nomine es Clark.
- Mi nomine es Undanus Atlanticus
- ?
- Un-da-nus At-lan-ti-cus!
- Ego vide que tu es un humorista...

Nominalmente
Catillo Purcurrente



Kjell Rehnstroem
Vaenortsgatan 87
S - 75264 Uppsala
email: [log in to unmask]