Isto ego trovava in le norvegese quotidian
Aftenposten:
Forside / nyheter / utenriks
Actualisate 27.12.00 kl. 09:21
Le pythonissa islandese augura morte, miseria e
mal economia pro le anno futur.
Que pote nos expectar del anno 2001? Le responsa
es inter alteres guerra, morte, cataclysmos,
epidemias e mal economia, si on va creder le
islandese pythonissa, le völva.
Secundo le mythologia nordic le völva es un
pythonissa, un auguria, predictrice, qui pote
perspicer et le proxime e le distante futuro. Su
predictiones es cata anno, verso le comenciamento
del nove anno, publicate, e iste anno le pressa
islandese al prime vice ha mentionate su nomine.
Illa se appella Sigridur Klingenberg. Occasional
predictiones del völva es plus tosto
autocompliente. Un anno retro illa prediceva que
"Il habera multo turbulentia in le oriente medie."
e imagina! illa habeva ration! Ancora on se batte
ibi.
Plus de inquietate in le bursa
Iste anno le pythonissa predice que il habera
inquietate al bursas, particularmente in le Statos
Unite e Asia, ma le americanos habera pejor cosas
contra que luctar quam caditas del indice Dow
Jones al bursas como Nasdaq; illes potera certo
expectar un serie de succulente scandalos de
corruption e esser affligite per nove
conflagrationes de silvas e inundationes.
Per consequente le tosto installate presidente
George W. Bush non habera multe rationes pro
gaudio. Al contrario le dimittente Bill Clinton e
non le minus le dimittente sposa, Hillary Clinton
habera un anno pleno brillante, Hillary como
senator, durante que le filia Chelsea incontra le
grande amor de su vita.
Le follia bovin continua divulgar se e in le anno
2001 le pythonissa predice que le morbo lethal
etiam va attinger le parve isolate Islandia.
Caeterea le Nordico (Le paises nordic) vade verso
un relativemente quiete anno con mercatos stabile
e le feroeses, avide a independentia, essente le
sol causa de inquietude.
Oscar a Björk?
Le islandese cantatrice e actoressa Björk gania
secundo le pythonissa un Oscar pro le optime rolo
feminin del anno 2001.
Le britannic pugilista Nazeem Hamed Prince essera
le grande sensation in le campo del sport del anno
proxime.
Un anno retro le pythonissa prediceva que le
princessa de Svedia trovarea un amato, e que
Hillary Clinton ganiarea un election. Ambe iste
predictiones se realisava, ma isto non debe
significar que le pythonissa es equalmente
correcte in omne campos. Inter alteres illa
prediceva que le assassinato al svedese premier
Olof Palme in le anno 1986 essera solvite le anno
2000 e que le regina matre britannic morirea, ma
le assassino del premier svedese anocra es al pede
libere e le britannic regina matre ancora vive in
plen vigor.
(NTB-Ritzau)
Sperante que vos poteva comprender le traduction.
Antea le identitate del predictrice islandic era
un multo ben protegite secreto, e le facto que on
ha disvelate le identitate es un cosa multo
deplorabile.
Ego videva le divinationes in le islandese
Morgonbladid e vidente que le jornal se supporta
sur un notitia in le norvegese Aftonposten retiari
ego cercava ille jornal, proque ego non es
capabile traducer del islandese, ma del norvegese
il es plus facile.
Cellus
|
