Stan scribeva:

>> ...  ben  que il he ancora un sol distributor del gas
>> a vostre casa (a qui pertine le tubos), il ha multe venditores del
>> gas introducite a in le tubos de vostre compania distributive. Vos
>> paga le compania que provide le gas pro le distributor. Proque le gas
>> es le gas, de qualcunque loco illo veni, il non importa al compania
>> que distribue le gas qual es le fonte, mais alcun venditores del gas
>> va haber precios plus basse que alteres, e le consumptor se benefica
>> del competition inter le venditores del gas.
>
Ivan Morão scribeva:
>Car Stan,
>
>Io comprehende que le competition es benefic pro le consumitor, ma, in
>nostre caso, io pensa que
>le demanda per moneta ira provocar privatisationes hastive e permittera le
>occurentia de oligopolios. Per iste ration io ha parlate in aviditate
>global. Paises has vendite lor patrimonio per precios abassate sol pro
>cumprir le metas estabelecite per le FMI e garantir plus moneta urgente.

In Svedia nos es in un situation analoge. Le monopolio telecommunicative
debe gradualmente ceder a nove operatores. Le ferrovias statal debe
accostumar se a plure operatores qui usa su vehiculos ferroviari sur le
rete de ferrovias que le Ferrovias del Stato ha operate como un monopolio
statal durante decennios. E isto non es facile.

Le monopolios statal proba per omne fortias retiner su poter, e le
resultato es situationes que attinge al culminationes simplemente ridicule.
Assi un operator trovava que ille non poteva facer viagiar su locomotivos
super certe distantias sin le auctorisation del Ferrovias del Stato! In
practica isto significava que il sempre debeva esser personela del F d S
sur cata locomotiva que passa ille distantias special.

Le Telia statal es le proprietor del rete de teleductos in tote le pais, e
pro acceder iste rete on debe pagar un cotisation al Telia. Per consequente
le liberalisation del mercato es un manipulation o un truc de fun a la
India. On pensa que on vide un cosa que non occurre. Le infante non es
ascendente in alte per le fun!

Sed le situation antithetic es que le moneta sempre sape ubi ir. Forsan on
etiam habera varie operatores del posta. Il jam ha tendentias in Svedia.
Pote on haber competitionante fortias armate? Certe paises ha multo
regrettabile experientias de tal cosas....

Ubique on privatisa e le population non sempre comprende pro qual ration.
Quando le costos es troppo alte pro le stato illo vole privatisar,
oblivante que il era un tempore quando le stato nationalisava omne le
cassas de assecurantia contra maladias contra disoccupation etc.

E qui va menar le scholas? In Svedia on cambiava le responsabilitate del
scholas ab le stato al communas, le administration local.

Vermente nos vive in tempores cambiante.

[log in to unmask]
Kjell Rehnström
Vänortsgatan 87
752 64  UPPSALA
Tel. 018-50 22 35