Paul LeCorde wrote:
> Nove Station Televisori del Governamento Statounitese
> Tira Criticas de Paises Arabe.
>
> CAIRO, Egypt - Mesmo ante su prime emission, un station
> televisori, financiate per le governamento statounitese e
> dirigite a telespectatores arabe, tira criticas in le
> Oriente Medie como un essayo american de destrue valores
> islamic e face le lavage del cerebro al juvenes. Presidente
> Bush ha promittite que le station de novas, le qual augmentara
> su programmation a 24 horas per die intra un mense "penetrara
> le propaganda odiose que plena le undas aeree in le mundo
> moslem."
>
> Al-Hurra, o Lo Libere, comenciara emission le sabato, 14/2/04.
> Presidente Bush ha promittite que le station de novas, le
> qual augmentara su programmation a 24 horas per die intra un
> mense.
>
> Ja illo ha recipeva un testa-a-testa interview con Bush.
> Ministro al Pressa del Casa Blanc Scott McClelan ha dicite
> que le interview permitte que Bush parla de "su desiro forte
> de dispersar libertate e democratia in le Oriente Medie."
>
> Le governamento de Bush spera que station arabaphonic del
> modo adjutara arrestar le anti-americanismo approvisionate
> per le guerra contra terrorismo, le occupation de Iraq e
> appoio statounitese pro Israel.
>
> Al-Hurra emittera del region de Washington ma habera bureaus
> in plure capitales, includente Baghdad, e empleatos qui es
> pro le major parte arabe. Le publica statounitese lo fundara,
> con costos de circa $US 62 million in le prime anno.
>
> Le station promitte un approcha balanciate - un possibilitate
> que criticos dismitte - ma illo es lontan de ganiar le
> cordes e menses del arabes.
>
>
> Jamil Abu-Bakr, un portavoce pro le movimento appellate le
> Fraternitate Moslem de Jordan condemnava al-Hurra como
> "parte de un invasion statounitese cultural e per le media
> de nostre region." Jornalistas arabe anque ha criticate
> largemente al-Hurra in editoriales e articulos como propaganda
> non desirate e mesmo periculose.
>
> Le consilio que actualmente direge le Voce de America sera
> le gerentes de al-Hurra e Norman Pattiz, un membro del
> consilio (Broadcasting Board de Governors) dice que le
> station es un fonte de novas, non de propaganda.
>
>
> Opiniones:
> Esque le gente arabe acceptara iste station?
> Opina vos que le station pote provider copertura balanciate
> del actualitates o sera vermente un utensile de propaganda
> statounitese in le region?
>
> Mi opinion es que le gente non acceptara iste station. E
> io crede que illo es un utensile de propaganda. Io non
> ha fide in le stationes de novas in le SUA como pote
> io haber fide in un station statounitese locate in un
> pais que nos occupa?
Durante multe annos ego auscultava le programmas del Voce de America in
russo e polonese e anque le station Europa Libere in polonese (in facto
ego apprendeva multe de mi polonese per iste station :-) - il habeva un
lacuna in le propagation del undas curte que rendeva le station multo
audibile justo in Uppsala, ubi ego habita.
Il es obvie que le programmas contineva propaganda, in le mesme maniera
que le radio polonese dirigeva emissiones a Svedia in svedese. Pro
information, diceva le poloneses, pro propaganda, diceva multe personas
in Svedia, ma honestemente, le programmas in svedese dava le pictura
official de Polonia pro le auscultatores svedese assi como le stationes
arabe, como anque Radio Saba (o forsan Sab'a) dara le pictura official
del Statos Unite.
Nota anque que multe paises arabe ha programmas in anglese pro un
audientia international. Ego ha audite Cairo, Radio Dubai, Tehran, e
Libya, transmittente in linguas que ego comprende. Como il es al
presente con iste stationes ego non sape, viste que mi radio a undas
curte non plus functiona, e ego ha substituite iste auscultationes per
le internet.
Amicalmente
Kjell R
|
