Il ha un prenomine que es _Elmer_ o _Helmer_ forsan _Emerson_ ha su origine
in iste nomine.

Io suppone que io ha scribite del signification de mi proprie nomine. Le
expertos non es totalmente unanime. Alcunos mantene que Kjell significa
_scutella_ o un _caldiera_ (que me multo place) durante que alteres pensa
que isto significa le _casco_ (que le guerrero porta sur su capite - ma
oblida le cornos del vikings, isto es - dice le expertos - un mytho (forsan
sin osso ;-)

Rehnström o originalmente _Renström_ significa _pur currente (de aqua),
_purfluvietto_. Probabilemente un del protorehnströms habeva un
agricultura, un unitate rural (pro parlar "unionese") apud un fluvietto con
pur aqua.

Le nomines familial in Svedia es sovente tales del natura. Plus clar es
_Stenström_ (fluvietto de petra) Un currente de aqua passa un loco con
multe saxos, petras.

Altere nomines es Nyström (nove fluvio).

Postea nos ha le nomines familial que es petrificate patronymicos. Lassa
nos prender como exemplo nostre presente premier, le Tony Blair de Svedia,
Göran Persson, Georgeo filio de Petro (Zhorzh ben Butrus) si ille era
arabe.

In le seculo 17 il habeva personas in Svedia qui habeva nomines como in le
Russia moderne, viste que on poteva appellar se _Stig Göranson Rehnström
(Stig = sentiero filio de Georgeo Purfluvietto, (Purcurrente).

In Islandia on usa ancora quasi solmente patronymicos. Como islandese io
esserea Kjell Lennartson. Islandia habeva un politico qui era le filo de
Hannibal, non ille antagonista de Cato sed plus moderne. Le previe seniora
presidente de Islandia era Vigdis Finbogadottir proque illa era le filia de
Finnbogi (io crede, ma mi islandese ha sempre se trovate sur un stadio
extrememente embryonal.)

Io ha audite que le japoneses ha multe nomines de natura. Certo _Silva de
pinos_ pote esser un surnomine japonese (nomine familial como io scribeva
antea).

Io spera que isto pote gaudiar vos un poco!

Nominalmente

[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden