>> Ankhnaten es famose pro esser
>> un monotheista...
>
>Tu es fortunate per haber possibilitate visitar le exhibition. Iste pharao
>me ha fascinate desde io legeva le libro "Sinuhe, Le Egyptiano" de Mika
>Waltari, quando io esseva un parve infante. Plus tarde, io ha legete tote
>libros que io succedeva prender in mi mano e que describe Ankhnaten (o
>Ekhnaton...) e su cultura. Io sempre credeva que le religiones
>monotheistic - tote essende semitic - deberea haber un fundo commun, e ben
>que io non es un specialista in re religiose, iste pharao pote esser le
>prime ver monotheista ben cognoscite de historicos en nostre tempo?
>
>
>Salutes
>Ulf

Io vole indicar que post inviar mi previe message io ha discoperite que
io ha usate mal orthographia con respecto a Pharon Ikhnaton o Akhnaten.
Il non es Ankh-.

Il es infortunate que non multe informationes ha supervivite super iste
pharon.  On non sape quando ille moriva, o como ille moriva.  Su corpore
es perdite.  On sape que Nefertiti viveva post le morte de su sposo, mais
quando e como illa moriva non es cognoscite.  Il ha alcun indicationes
que su adoration del Sol esseva influentiate per le previe Pharon qui
dava special attention a Ra le deo del sol in le vetere religion egyptian.
Mais Akhnaten esseva un egregiose pharon qui voleva escaper le cultura
de su passato.  Ille personalmente habeva succedite, mais ille non
succedeva in transformar tote le egyptianos a su nove credo.

Possibilemente le psychologia del vetere religion esseva troppo
incorporate in le mentes del egyptos - illes ancora audiva lor
deos parla a illes cata die (voces de un latere del cerebro que
parlava al altere).  Quando le voces del deos cessava a parlar directemente
a lor fidel adorantes, alora le monotheismo de un deo que transcende tote
le deos deveniva possibile.  Isto occurreva circa 1200 ante christo.

A creder que le Sol esseva le sol deo es ancora un credo "realistic" o
"literal".  Illo es un idea rational proque in veritate le sol es le
fonte de tote vita in le mundo e sustene le vita cata die.  Illo provide
le energia que face possibile le vita e su evolution.

In le symbolismo de Akhnaten le sol esseva un disco con radios que
veniva del disco a basso, e al fin de cata radio esseva un parve mano,
que suggereva que le radios del sol custodia le vita del mundo.

Stan Mulaik