Car omnes!

  Le lege de datos personal (PUL) es devenite un burla multo amusante
post le revelation heri que le agentia pro supervider le adherentia del
lege ("Datsainspektionen") se ipse ha transgressate le lege per publicar
in su sito del interrete le nomine de un presumite violator sin obtenir
su permisso in avantia. Io legeva isto iste matino in le paginas de text
inter le novitates quotidian--que burla amusante!!

  On ha travaliate practicalmente desde die un del infortiamento del
lege in Svedia pro adjustar lo al realitate e io legeva alcun dies retro
que on es preste inviar le nove proposition in le parlamento svedese.

Vostre,

Sigmund



Mario Malaguti scribeva:

> scribe Stan: "Io opina que Kjell and Mario viola le lege del Union Europee
> in que vos mentiona le un le altere in vostre messages in le interrete!
> Cessa iste violationes!
> :-)."
>
> Stan, il es melio prender le cosas per iste verso (o latere) e rider de
> illos. Securmente le innovationes face protestar sempre e isto es
> inevitabile. Ma le leges del datos personal es nove pro tote le Statos
> occidental e io fatiga a comprender perque un conquesta pro le individio
> debe facer elevar tante perplexitates.