Il pare que il ha forsan un pauco de confusion sur mi
duo cursos de interlingua.

Mi prime curso de interlingua forma parte de
"Interlingua in interlingua",
<http://www.geocities.com/hkyson>, un ressource
bibliographic public disponibile gratis e
immediatemente pro le studio e lectura de interlingua.
 Le curso de iste publication presenta interlingua in
su forma scribite con explicationes structural.

---

Mi curso de conversation in blogger.com es un serie de
dialogos e exercitios sin explicationes structural.
In iste ressource bibliographic public, il ha un
ligamine a "Interlingua in interlingua" pro illes qui
vole continuar lor studios de interlingua sin ulle
demora.

Io incoragia que omnes imprime e lege iste curso de
conversation con alteres pro practicar le interlingua
parlate.  Io spera que, facente isto, illes potera
comenciar conversationes libere in interlingua plus
facilemente.

Eventualmente, io spera que un gruppo de
interlinguistas facera registrationes de iste curso--o
un altere version de illo--in le formato MP3 pro
distribution gratis trans le Rete.

(In le section de "Ligamines" del sito de UMI
<http://www.intrlingua.com> il ha ligamines a iste duo
cursos mie.)

---

Io ha un altere publication mie in interlingua in le
sito blogger.com con le titulo "Interlingua".  Isto es
un serie de novas, commentarios, e traductiones.  Post
cata articulo in iste publication appare un ligamine a
"Interlingua in interlingua", que ha un ligamine al
sito de UMI in su proprie section de [ligamines].

Io provideva iste ligamines de maniera que le lectores
de omne mi publicationes pote vader rapide- e
facilemente a multe ressources sur interlingua in le
Rete.

Como omne mi textos in interlingua publicate in le
rete es ressources bibliographic public, omnes pote
copiar los, rediger los como illes vole, publicar los
in libros si illes vole, o publicar los in altere
publicationes electronic.

__________________________________
Do you Yahoo!?
Yahoo! SiteBuilder - Free, easy-to-use web site design software
http://sitebuilder.yahoo.com