Iste estate ego es in le processo de leger le
longe serie de fantasia per le scriptor american
Terry Goodkind: Le gladio de veritate (sed in
anglese, naturalmente). Il es un satis amusante
libro con magicos, viccas e bisarre seres plus o
minus human, terribile bestias le quales
nonobstante ha un bon corde e un drama que se
extende per mellennios in un infinito que forsan
solo Twin Peaks pote contestar!

Goodkind seque le bon regula in scriptura de
reclama "Occide tu amato!" Si tu ha un expression
que tu ama, non usa lo. Assi tracta Goodkind su
personages. Illes pervive le plus incredibile
turmentos sed retorna a momentos de serenitate
ante le sequente peripetias.

Habente legite tote le serie, ego probara dar un
plus extensive recension. Pro le momento basta si
ego dice que serea multo plus amusante esser
senior Goodkind in respecto al copiose summas de
monetas que su prolific scriptura le debe haber
date.

Sed esser le lector es etiam un divertisemento.

Cellus, lector