Gratias Kjell, iste es le lista!

Car Amicos,
heri Stan, hodie Kjell R. con su "Confessiones de un esperantista disloyal".
Io non ha parolas pro regratiar. Iste pro me es spirito de corpore, placer
de gruppo, voluntate de affirmar nostre convincimentos.
Io es un enoio, io lo ha jam asserite.
Totevia declarationes pro interlingua como illas de Kjell non son comparite
in iste lista de quando io me ha inscribite.
Io crede de non recordar mal.
Alora existe le gruppo e forsan nos potera operar insimul pro interlingua.
Le analyse de su experientias per Kjell son un contribution preciose e pro
me non basta dicer isto, ma io ha necessitate de demandar vos: "Ubi ha vos
publicate un illustration de interlingua equalmente efficace?"

Kjell R:
Io ha al minus probate non laudar interlingua in iste lista, viste que nos
omnes qui usa interlingua, sape de su avantages. Ma pro informar un novicio
il pote esser senso in explicar le differentias inter esperanto e
interlingua in le maniera in le qual io los vide. Io me gaude multo, que mi
"confessiones" te placeva.

In un crescente grado io ha devenite consciente del fortia in interlingua
como portator de information a personas qui lo comprende pro su fundo in
altere linguas occidental. Per isto on elimina le disjectamento de granos
informative in un lingua national in le sperantia que alcuno va vider lo e
pensar que es un bon idea apprender le lingua.

Interlingua da le possibilitate de economisar le information multo plus
efficacemente. Personas qui ha le capabilitate comprender interlingua, lo
pote plus facilemente apprender activemente.

Le alternativa esperantic es que io dissemina granos de information a
personas qui certo ha le voluntate ma non le capacitate de apprender.

Con tristitia io me recorda de mi epoca esperantistic, quando io parlava
del utilitate de esperanto - mesmo a personas qui habeva un fundo lingual
necessari - e le responsa que io audiva sovente (frequentemente) era que
"Isto es un escellente idea. Io apprendera esperanto deman jam!" Ma ille
"deman" nunquam occurreva.

Le facto es que io inseniava esperanto a un juvene camarada scholar
solmente parlante a ille! Ma isto es peccatos prescribite ;-)

Con interlingua le situation de facto es multo melior. Io es convincite que
_cata_ scholar del gymnasio svedese in le programma lingual, pote
comprender interlingua, si le discurso es sufficientemente interessante. Le
puncto decissive es le information portate per interlingua e le
arrangiamento methodic de nostre material didactic que le interessato vole
usar post le prime presentation.

enerdi proxime io intertenera Maria Teresa e su duo amicos chilen con plus
convinction, gratias a Kjell e a Stan. A Treviso un docente de schola de
arte italiana, Maria Teresa, me facera incontrar le duo chilenos, illa
maestro de musica, ille operator in le computatores.
Illes son interessate a interlingua.
Replicara Michele G.?
Pro me es importante seminar.
Io face quanto io pote e amarea vider plus fermento, plus voluntate de
initiativa, minus gemitos pro le moneta que manca.
Illo que manca non sera le ideas?

Kjell R:
Le multo stimulante cosa es como on pote diseminar un idea, como
interlingua, _sin_ le moneta. Con 18 milliones de dollars US un cretino
poterea diseminar interlingua in Europa. Le defia es como on lo face sin
iste "dorsos verde" (le greenbacks, como on dice in anglese).

Mario M:
Kjell nos ha scribite: "Nos debe memorar, que lo que nos non cognosce, non
existe pro nos."
Fortia UMI!

Kjell R:
De accordo 100 %

Amicalmente


[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden