Post que io habeva finite mi messages a interlng e auxlang, le duo listas
que io subscribe e respondite alcun litteras private io extingeva le
computator e vadeva al cocina pro ascoltar le ultime notitias del radio. Lo
que io audiva era expectate: Le NATO ha comenciate bombardamento de Serbia
(includente le provintia de Kosovo/Kosova). E io debe con regrettamento
constatar que de nove nos in le opinion public non habeva potite
impossibilitar actiones militar.

Quando io scribe isto il es alcun horas post le hora 7 in le matino e io ha
ascoltate le ultime completiones del notitias del Balcanes. Le
correspondente del radio norvegian in Prishtina (Pristinë) reporta que ille
audiva le prime bombas al hora 20.00 heri e le ultime al hora 02.00 (i. e.
a.m.). Il non habeva electricitate in Prishtina e le sol lumine que on
habeva era le lampas de kerosen e le projectores del vehiculos militar.

Heri vespere un gruppo de 5 serbos civil habeva venite in le camera de
hotel del correspondente pro controllar que ille non ha un camera pro poter
fotografar le attaccos del aere.

Nostre radio ha etiam transmittite extractos del oration del presidente
Clinton.

11 annos antea io era in Montenegro (Crna Gora) pro baniar me in le
Mediterraneo. Jam in iste tempore on _sentiva_ que alque non es como
necessari. Le conflicto habeva comenciate in Kossovo jam tunc. Como vos
sape iste provintia es a 95 per centos habitate per albaneses ethnic e illo
habeva acquirite un significante autonomia. Sed durante mi visita on jam
habeva constringite iste autonomia. Il habeva famas de attaccos albanese
contra le parve parte de serbos qui habitava ibi.

Como io poteva comprender le jornales era plen de discussion re le question
de Kossovo e que on pote facer pro meliorar le situation. Il habeva multe
sage ideas.

Mi observationes: Secundo toto que io ha audite, parlante con personas de
varie locos del Yugoslavia de antea il habeva non solo serbos e albaneses,
sed maritages mixte ubi le viro era serbo e le marita serba. Ille personas
qui probava trangressar le limites nationalista ha al momento presente un
multo difficile situation.

Quanto al religion il es assi que le grande massa de albaneses in Kossovo
es muzulman, sed il ha etiam christianos. Inter le serboparlantes il ha
etiam muzulmanes, malgrado le facto que le grande majoritate es orthodoxe.

Le radio national ha etiam facite intervistas (interviews) con
representantes del organisationes national de immigrantes e refugiatos
albanese e serbe in Svedia. Le serbos diceva que le situation es multo
regrettabile sed que le albaneses es salvage e illes ha un parola que
significa que cata un va occider (facer morir un inimico a omne costos), e
le albanese diceva que le serbos comprende solmente un lingua, e isto es le
lingua del violentia. "Incontrate per violentia", diceva le representante
albanese, "le serbos essera multo docile!"

On es multo triste, que le mundo non ha progressite plus!


[log in to unmask]
Kjell Rehnström
Vänortsgatan 87
752 64  UPPSALA
Tel. 018-50 22 35