Io te ha inviate sur un dischetto copias de omne
le documentos in interlingua e anglese de mi curso
de conversation. Io spera que le documentos in
anglese te essera utile in tu travalios pro producer
tu redaction de mi curso.
In tu travalios sur iste curso, tu es completemente
libere a modificar le textos e mesmo le organisation
del curso como tu vole pro augmentar su efficacitate
pedagogic.
Si tu vole documentar tu travalio sur iste curso
con messages periodic a iste foro, io es confidente
que io los trovara multo interessante, ma
probabilemente io non facera commentarios sur illos
proque io crede que io ha habite assatis influentia
sur tu effortios con mi travalios de redaction sur le
curso usque nunc.
Post que tu habera finite tu version de iste curso,
io spera que on potera montar lo sur le sito de
UMI in un position prominente de maniera que
omnes, si illes vole, pote trovar, discargar, e
studiar lo.
Postea, con le tempore, io spera que un gruppo de
personas facera registration del curso pro
distribution
gratuite trans le Rete in le formato MP3.
Io sempre ha admirate multissimo tu travalios pro
interlingua, specialmente tu projectos lexicographic;
e si io tu me invia un copia de tu redaction de
mi curso (o si io pote discargar lo ex le sito de
UMI) in un forma digital, io tunc usara tu version
de illo, in vice del mie, quando io lo publicara
in altere partes del Rete.
(Ante le publication de tu version de mi curso,
naturalmente, io usara mi version de illo si io
trova nove opportunitates pro publicar lo.
(Io anque vole accentuar que lo que io ha dicite
reflecte solmente opiniones personal mie. Io non
vole implicar que altere versiones del curso, como
illo de Stan, es de ulle maniera inferior a mi version
del curso o al version que eventualmente tu producera.
(Como io ha indicate antea tamen, io es completemente
confidente que io preferera tu version del curso,
quando illo essera preste pro distribution general,
al version mie.)
__________________________________
Do you Yahoo!?
Yahoo! SiteBuilder - Free, easy-to-use web site design software
http://sitebuilder.yahoo.com
|
