> Allan: In le guerra civil de Espania le basques e
>catalonianos luctava contra Franco. Le marina de
>guerra britone indignemente preventiva le basques de
>obtener armas. Necuno preventiva Franco de obtener
>armas de Hitler e Mussolini benque le basques e
>catalonianos luctava, al minus formalmente, pro le
>governamento legal, le republica, Franco era ja un
>rebello.

Si, le anglese pretendeva que illes esseva neutre,
mais per lor actiones illes favorava Franco. Guai?
Al fin del 1930s le gerentes del governamento
brittanic percipeva que le major menacia al Imperio
Brittanic esseva Stalin e le soviets, e le varie
movimentos socialistic.  Quando un governamento
socialistic e republican esseva electe in Espania,
le brittanos cercava a superar iste governamento,
mais voleva que lor ver motivos esserea celate.
Isto esseva parte de un plus grande strategia de
realpolitik a appoiar le existentia de Hitler in
Germania como le dirigente de un stato tampon
inter Anglaterra e le Union Sovietic. Infortunatemente
lor evaluation de Hitler esseva un miscalculation.
Ben que Chamberlin credeva que ille ha attingite
le pace in nostre tempore per su accordo con
Hitler, justo le opposito esseva le resultato.
In le interim in Espania, le boscos e le catalonianos
in lor desira pro le independentia o un augmentate
autonomia, appoiava le governamento republican e
socialistic. Franco habeva le successo bon a causa
del armas que passava facilemente per le blocada
del naves brittanic, durante que le governamento
republican non poteva obtenir le armas per le
mesme via. E post vincer in le guerra, Franco esseva
dur in su suppression del opposition. Totevia,
a su credito, Franco resisteva Hitler e Mussolini
in junger les in le guerra contra le alliatos.
Possibilemente si ille habeva jungeva les, le
guerra haberea un differente resultato. Le
successo del alliatos haberea retornate le
democratia plus tosto a Espania, Mais le neutralitate
de Espania in le guerra, facilitava le existentia
del governamento de Franco pro multe annos postea.

Isto io apprendeva in un libro per Carol Quigley,
"Triumph and Tragedy", un historia de europa
moderne, que ille inseniava al Universitate
Georgetown, io crede, ubi multe studentes es
destinate a junger se in le servicio estranier
del Statos Unite.  Ille revela multe cosas super
le classe gerente in iste libro, proque il esseva
importante que le individuos in le servicio
estranier ha un comprehension realistic del
politicas del statos unite in affaires estranier.
On debe apprender ubi le poter real es in iste
pais, si on non vole perdir su carriera per un
mal decision del politica.  De plus, io crede
que il es importante a comprender que le
Universitate de Georgetown es un Universitate del
Jesuitas, qui es le maestros del realpolitik.

Io non sape si le classe gerente in le statos unite
es tanto monolithic hodie como in le dies del
Rockfellers, qui esseva un familia potente con
un consciente dedication al politica. Ben que
le currente generation del Rockfellers es alquanto
diffuse in lor interesses, io opina que le bancas
ancora ha multe influentia in le politica. Si o
non isto es mal es un altere question.

Stan Mulaik