Un altere effecto del tempore pluviose: iste matino io inviava al lista un
message e io me oblidava de deler le integre texto del message previe al
qual io intendeva responder.
Que pensara Thomas Breinstrup? Iste vice io me merita un punition
severissime!
Le facto de meritar punitiones deveni un vitio, pro me.
Le mese de Julio va jam a finir e, iste anno, hic in le Nord-Est italian nos
habeva solmente longe periodos de pluvia e, in general, tempore incerte,
salvo per le prime dies.
Qualque vices un poco de sol e in iste casos le temperatura tornava a
superar le 30 grados centigrade.
Uno transpira e pensa a Kjell qui pensa al liquefaction del cerebros causate
per iste temperaturas. Kjell vive al Nord.
Le grados del temperatura, io intende, e non le grados de mi domo, que
totevia resenti del grados del temperature externe e, in numero, resta fixe
a 43. Oh! Deo qual confusion! Non habera ration Kjell?
Omne annos io pensa de comperar le climatisator. Postea io rememora un
experientia non felice jam facite in le prime annos del septanta con duo
climatisatores domestic, e le proposito que io faceva al tempore: Mario, le
grande calor pote recar te patimento solmente qualque dies al anno, assi
gaude iste dono del natura e lassa le climatisatores al americanos. (Sape
vos? Le americanos era symbolo del progresso.)
Vole mitter vos le placer de facer un bestial transpiration 24 horas per
die? On gania un recambio natural gratias al qual postea non necessita
saunas de alcun sorta pro le validitate de un anno.
Totevia iste mense il non se presentava frequente le exigentia de
transpiration abundante. E nonobstante le pluvia al Nord, ecce que in Centro
e Sud Italia on ha un ver calamitate: le siccitate.
Belle iste facto! Le siccitate al Sud non es un evenimento de iste anno, ni
de iste ultime decennio, ni de iste ultime seculo: illo es un status del
Sud. Pro isto, probabilemente, on ha illac le aqueductos que perde ultra 50%
del aqua durante le percursos in le conductos (tubos), o aqua adressate al
aqueductos solmente durante le die e lassate currer liberamente al mar
durante le nocte (on debe reposar, nonne?), o grande bassinos artificial que
manca del conductos pro distribuer le aqua al centros habitate, assi le
bassinos artificial mesme servi solmente a evaporar aqua naturalmente.
O bassinos edificate, non probate e abandonate ab annos. Non habeva le Sud
necessitate de aqua?
Le initiavitas private es sempre un belle characteristica italian, a vices
folkloristic, assi durante iste mense plure personas del Sud veniva
denunciate al autoritate judiciari. Solmente ora? Lassa perder iste
question! Pro qual reato? Illes subtrahe aqua ab le normal aqueductos, al
poteos, ubicunque illo se trova, lo carica in autocisternas e lo vende al
privatos local. Le siccitate procude mesmo le distribution del aqua per
qualque horas al die, o qualque dies al septimanas, assi le habitantes debe
procurar se le aqua anque a pagamento e gratias a iste providential
autocisternas. Ecce un business pro qui vive al Sud e ha del bon phantasia e
sape crear un ver e proprie organisation commercial con fonte de
approvisionamento del merce (aqua) completamente gratuite e,
contemporaneamente, con le avantage de concurrer a crear le necessiatate.
Non lo crede vos? Isto es le veritate de iste mense de Julio, un veritate
non nove e que non sera eliminabile con simplicitate.
Il se tracterea de cambiar poc personas qui existe, opera non disturbate e
characterisa un integre communitate.
(Importante: pronuncia [ope'ra] si tu pote! Io pronuncia [o'pera].)
Io dice sovente que si mi Pais supervive nonobstante multe mi concitatanos,
certemente il se tracta de un grande pais, dotate de grande resources.
In iste mense de Julio.
Mario
_________________________________________________________________
Specisci e ricevi le tue email Hotmail dal tuo cellulare con:
http://mobile.msn.it
|
