Sigmund,
Secundo le grammatica de interlingua on ha le derecto scriber de _filosofos_
e _entusiastas_. On non _debe_ scriber ph, th, rh. Io prefere filosofos.
Iste io dice si tu prefere usar le ortografia traditional como le majoritate
de parlantes de interlingua o si tu es un adherente al alternativa.

Nunc "de Deo"
Io es un auscultator entusiastic (Le ied ha _ascoltator_) al programma _Le
spacio filosofic_ in le radio national svedese. Ibi on discuteva ante alcun
septimanas Wittgenstein. Ille manteneva, si io ha comprendite e memora toto
correctemente, que pro discuter le religion o le fide nos debe usar un
lingua religiose.

Io trova isto un elegante solution del question.

Quanto al correctitude de lingua io crede que isto veni con le tempore. Ante
multe annos io apprendeva le polonese e io habeva un cognoscite qui
manteneva que on debe tote le tempore corriger le errores que on face. Le
corrigite persona debe continuar parlar, e mesmo si le persona repete le
error ancora tres vices, le quarte vice ille usara le forma correcte.

Il ha etiam un direction pedagogic in le qual on solo monstra le lingua
correcte ma non introduce correctiones. Mesmo si io ha corrigite multo in mi
vita - como inseniante del svedese como lingua estranier, viste que on
postulava isto de me - io privatemente e personalmente es del opinion que on
apprende vidente le lingua correcte. A vices con amicos qui non ha svedese
como su lingua maternal io corrige in iste maniera que io proba reusar le
frase non correcte in su forma correcte. Il naturalmente ha casos in le vita
quando on debe corriger, si un persona ha miscomprendite un parola e usa un
expression obscene non sapiente isto.

Io ha le impression que on corrige multo pauco in iste lista. Naturalmente
il occurre discussiones in re iste o ille specific parola, ma isto es un
altere cosa. Interlingua permitte multe varie formas del si nominate parolas
grammatical como sed, ma, mais, etiam, alsi, anque.

Amicalmente




Kjell Rehnstroem
Vaenortsgatan 87
S - 75264 Uppsala
email: [log in to unmask]