Lunedi, 18 Sep 2000 11:29:52 +0200, P. Cleij <[log in to unmask]> scribeva:

>Car amicos,
>
>Un pauco stupefacte io ha legite le message de Ulf Bro del 16 de septembre.

Io non esseva ennoiate per le message de Ulf Bro, excepte que illo tracta
themas que es plus apte pro le interlingua-coollist. Il es natural que nove
amicos de interlingua vole contrastar interlingua con le "concurrentia". Il
es anque natural, in vista del dominantia relative de esperanto (pensa:
Microsoft Windows verso Linux) que on absorba le argumentos esperantista
avante que on toto comprender le argumentos pro interlingua. Quando io
commenciava interessar me in linguas auxiliar (fin de 1996), io
ha "ingluttite" le position esperantista (relative a interlingua) quasi sin
criticas. Il me besoniava plure menses de leger e pensar pro "demontar" mi
prejudicios contra illo.

Io non vole judicar le ideas e sentimentos precise de Ulf Bro, ma io opina
que ille comprende il ha un altere latere al discussion que le
esperantista; si non, ille non apprenderea nostre lingua.

Amicalmente,

Chris

P.S. Le addresse del coollist es:

http://www.egroups.com/messages/interlingua-coollist