Car Jonathan,
tu ha mi solidaritate e illo del grande majoritate del italianos. Le thema
es objecto de debatto quotidian in Italia e alcun dies retro era le
Presidente del Senato del Republica qui invitava totes le representantes
estranie in italia, pro perorar le causa contra le pena de morte.
Un trasmission radiophonic omne vespera informa del numero de subscriptores
qui adhere a manifestar lor contrarietate al pena capital.
Un execution in le S.U.A. es sempre un tragedia national in Italia.
Le position del S.U.A. re iste thema es un facto que nos non comprende e
nos es quasi un colonia del S.U.A. pro simple sympathia spontanee.
On dice: le citatano statuonitese medie ha pavor. Ille reage assi perque
ille ha pavor.
Io sape que non es facile tractar un thema e facer referentia a un Pais que
nos ama. Ma debatter un thema debe esser super toto un facto de coscientia
personal.
Illo que personalmente me face horror es le facto que a iste fin es
condamnate personas que ha problemas a defender se.
Le facto que tu scribe anque que milliones de personas es sin accesso a
assecurantia de sanitate, es un altere facto que io non comprende.
Io non comprende anque le typo de assistentia in Italia, o europee in
general, perque totos ha totos comocunque. Isto non es sempre ver,
comocunque le propaganda del welfare dice isto!
In mi pensatas io hypothesarea un organisation national que, quando tu ha
necessitate de justitia o assistentia sanitari, tu intertanto lo ha subito
e sin problemas economic, tu al pari de totos. Isto non necessarimente
gratis si, postea, tu, o tu familia, ha medios, ora o in futuro.
Le scholas es gratuite. Ben, ma un die tu mesme pote contribuer in
proportion al nivello de studio que tu ha consequite. O, perque ha tu
potite gauder de un instruction superior?
Isto forsan sera un proxime conquesta de nostre societate, assi evolute, ma
non in toto o sempre.
Io debe visitar le pagina http://www.livingtheatre.org
Ciao,
Mario
On Wednesday, July 05, 2000 11:07 PM, Jonathan Julius Dobkin
[SMTP:[log in to unmask]] wrote:
>
> Informationes additional:
> [Io es un actor in "Not in My Name" (Non in Mi Nomine), un drama de
protesto
> in le strata contra le pena de morte, in Times Square al dies de
executiones in le
> Statos Unite. Information: (212) 969-8905 o www.livingtheatre.org
> Si vos visitara Manhattan e ha accesso a televison de cablo, vos pote
vider mi
> programmas: "The Anarchist Propaganda & Variety Hour" al hora de 2:30 AM
> martedi nocte/mercuridi matino (canal 56); e "Anarchist Forum" al hora de
> medienocte mercuridi nocte/jovedi matino (canal 57)]
>
|
