Le 31 Dec 2003 21:18:34 +0100, Alexei Soloviev scribeva:
>Hodie es precisemente un anno que io ha cognoscite Interlingua.

Felicitationes!

(Correctiones inserite: [+x] = adde x, [-x] = elimina x, [x>y] = cambia x a y)

>Io non lo ha usate multo activemente (dunque pardon[+o] pro mi
>errores), ma io ha legite [presque>quasi] omne messages de INTERLNG
>e COOLLIST. Isto esseva  multo bon practica,  al minus in
>comprehension passiveŠ

Naturalmente. Pro me, es ancora plus bon practica tentar pensar in
interlingua in le vita quotidian. Ma isto forsan es un peculiaritate
mie... il tende a placer me pensar in multe linguas.

>Mesmo [+le discussiones] sed-mais-ma- e -isar-izar [- -discussiones]
>:-) non poteva debilitar mi interesso.

Ancora felicitationes! ;-)

>A vices io habeva dubitas in re Interlingua o esseva del toto
>sceptic in re linguas auxiliar. Ma  io reveniva omne vices a
>Interlingua e nunc io vide que io non pote evitar loŠ

Anque io es sceptic quanto al concepto de linguas auxiliar in
general... ma io face un exception pro interlingua proque illo es
tanto ben comprensibile a prime vista a tante gente in tote le mundo,
dunque illo essera sempre utile non importa si illo jammais
"succedera". E in plus, io trova interlingua elegante, efficace, ben
fundate, etc.

Io poterea evitar interlingua si io voleva... ma io non lo vole. :)

>Io vole regratiar  Stanley Mulaik, Bent Andersen pro utile
>materiales enviate, Kjell Rehnström, Erik Enfors pro incoragiamento.
>Iste attention e adjuta al novicio non pote esser superestimate.

De accordo! Illo esseva evidentemente effective in tu caso, io poteva
discoperir solmente tres parve errores, dunque tu pardono non esseva
necessari. :-)

Cordialmente,

- Martijn (Groningen, Nederlandia)