Car amicos,
certemente vos visitava, durante iste menses,
interlingua.com plure vices, ma nostre contator superava
hodie le 1000 *hits*. Congratulationes a nos/vos omnes!
Io continua le labor con iste sito e, gratias a Arne
Pedersen, le qual scandeva plure textos imprimite pro nos,
io inaugurava un nove section del sito: "documentos a
discargar solmente". Illos es manuales de Interlingua in
MsWord 6.0/95 comprimite con le zip (ergo "zippate"). Visita
per favor http://www.winzip.com si vos necessita le
decomprimitor actualisate (Shareware). Le usatores de Word
6.0 non time: illo deberea functionar. Le Macintoshistas
deberea alsi poter leger lo (ma io non es 100% secur). Iste
estranie Macintosh es enervante... Ma isto es un observation
de un partisano de MsPC. In omne caso io delera le documento
sonor de benvenita que illes non pote audir. Io essera
patiente con illes...
Vole ben vider ibi le Bibliographia de Interlingua complete
(edition 1996 solmente). Nos necessita plus de tempore pro
examinar le question del pagamento via internet. Nos non
debe esser in haste: multo esseva jam conquirite.
Cordialmente, Paolo.